اۋىل شارۋاشىلىعى مينيسترٸ ەربول قاراشٶكەەۆ قازاقستاندا كٶكٶنٸس باعاسىنا قاتىستى سۇراققا جاۋاپ بەردٸ, - دەپ حابارلايدى Tengrinews.kz اگەنتتٸگٸ.
"كٶكٶنٸستٸڭ جاعدايى تۇراقتى. دٷكەنگە بارىپ باعالارىن كٶرٸڭٸزدەر, كارتوپ 130-140 تەڭگە تۇرادى. مۇنداي جاعداي بۇرىن-سوڭدى بولماعان. بيىل كٶكٶنٸستٸ 4,2 ميلليون توننادان 4,9 ميلليون تونناعا دەيٸن ٶسٸردٸك. بٸز كارتوپقا, سەبٸزگە, قىرىققاباتقا دەگەن سۇرانىسىمىزدى تولىعىمەن ٶتەدٸك", - دەدٸ قاراشٶكەەۆ.
سونداي-اق, ول قييار مەن قىزاناقتىڭ قىمباتتاۋىنا قاتىستى پٸكٸر بٸلدٸردٸ.
"قييار مەن قىزاناقتىڭ باعاسىنا كەلەتٸن بولساق, بۇل جىل سايىن بولاتىن ٷردٸس, بٸرٸنشٸ جىل ەمەس. قازان-قاراشادا ەكەۋٸنٸڭ دە ماۋسىمى اياقتالاتىندىقتان, جىلىجايلاردا ٶسٸرٸلە باستايدى. ول جازداعىعا قاراعاندا قىمباتىراق بولادى", - دەپ قوستى مينيستر.
سوندىقتان اۋىل شارۋاشىلىعى مينيسترلٸگٸ باسشىسىنىڭ ايتۋىنشا, ۆەدومستۆونىڭ باستى جوسپارى ەلدەگٸ جىلىجاي كٶلەمٸن ۇلعايتۋ.
"بۇل جەردەگٸ ەڭ باستى ماقسات - ٶندٸرٸس كٶلەمٸن ۇلعايتۋ. ول ٷشٸن بارلىق قاجەتتٸ شارالار قاراستىرىلىپ جاتىر", - دەپ تٷسٸندٸردٸ مينيستر.
قاراشٶكەەۆكە قازاقستاندا قىس مەزگٸلٸنە كٶكٶنٸس جەتكٸلٸكتٸ مە دەگەن سۇراق قويىلدى.
"ەرينە, بٸزدە شامامەن 4 ميلليون توننا كارتوپ بار, ونىڭ 2 ميلليون تونناسىن ۇيىمداسقان شارۋا قوجالىقتارى, جارتىسىن جەكە شارۋا قوجالىقتارى قامتاماسىز ەتتٸ. اۋىلداردىڭ جارتىسى ٶزٸن-ٶزٸ قامتاماسىز ەتٸپ جاتىر", - دەپ تٷيٸندەدٸ ول.
