قر ٸشكٸ ٸستەر مينيسترٸ ەرلان تۇرعىمباەۆ الماتى تٷبٸندە «Bek Air» ۇشاعىنىڭ اپاتقا ۇشىراۋىنىڭ 3 نۇسقاسىن اتادى, دەپ حابارلايدى "ۇلت اقپارات".
«قازٸرگٸ ۋاقىتتا وقيعاعا قاتىستى تەرگەۋ جٷرگٸزٸلٸپ جاتىر. تەرگەۋگە سەيكەس ٷش نۇسقامىز بار. بٸرٸنشٸسٸ – ۇشاق ەكيپاجىنىڭ قاتەلٸگٸ. ەكٸنشٸ – ۇشاقتاعى تەحنيكالىق اقاۋ. ٷشٸنشٸ – ەۋەجايدىڭ ناۆيگاتسييالىق قىزمەتٸنٸڭ قاتەلٸگٸ. بٷگٸندە 5-6 تەحنيكالىق ساراپتاما جٷرگٸزٸلۋ ٷستٸندە. ۇشاقتى جاساعان زاۋىتتان ماماندار كەلدٸ. ولار بٸزدٸڭ ساراپشىلارمەن بٸرلەسٸپ جۇمىس ٸستەپ جاتىر. ساراپتامالار بٸتكەننەن كەيٸن نەتيجەسٸن ايتامىز», - دەدٸ مينيستر ٷكٸمەت وتىرىسىنان كەيٸن باق ٶكٸلدەرٸنٸڭ ساۋالىنا وراي.
ونىڭ ايتۋىنشا, ۇشاقتىڭ ەكٸنشٸ ۇشقىسى, بٸر بورتسەرٸك قازٸرگٸ ۋاقىتتا اۋرۋحانادا رەانيماتسييادا جاتىر. ال قالعان 2 بورتسەرٸك ۇشاقتىڭ ارتقى بٶلٸگٸندە وتىرعاندىقتان امان قالدى.
اتاپ ٶتسەك, قايعىلى وقيعا 27 جەلتوقسان تاڭەرتەڭ بولدى. Bek Air ەۋە كومپانيياسىنىڭ "الماتى – نۇر-سۇلتان" باعىتىنداعى Fokker 100 ۇشاعى الماتى ماڭىنا قۇلادى.
ۇشاقتا 93 جولاۋشى مەن 5 ەكيپاج مٷشەسٸ بولعان. اپات 12 ادامنىڭ ٶمٸرٸن قيدى, قازا بولعانداردىڭ ٸشٸندە ۇشاق كومانديرٸ بار. ەكٸنشٸ ۇشقىش قازٸر اۋرۋحانادا جانساقتاۋ بٶلٸمٸندە جاتىر.
پرەزيدەنت تاپسىرماسىمەن پرەمەر-مينيستر جەتەكشٸلٸك ەتەتٸن كوميسسييا قۇرىلدى. توقاەۆ اپاتتىڭ سەبەبٸن انىقتاپ, كٸنەلٸلەردٸ قاتاڭ جازالاۋدى تاپسىردى. 28 جەلتوقسان ەلٸمٸزدە جالپىۇلتتىق ازا تۇتۋ كٷنٸ بولىپ جارييالاندى.
