قر دەنساۋلىق ساقتاۋ مينيسترٸ ەلجان بٸرتانوۆ الماتى وبلىسىندا مەنينگيتتەن ادامنىڭ كٶز جۇمۋى وقيعاسىنا پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
مينيستردٸڭ سٶزٸنە قاراعاندا, دەنساۋلىق ساقتاۋ مينيسترلٸگٸنٸڭ بۇيرىعىنا سەيكەس, اۋىر جاعدايداعى ناۋقاستار ەڭ جاقىندا ورنالاسقان مەديتسينالىق ۇيىمعا جەتكٸزٸلۋٸ تيٸس.
«بالاعا قاتىستى وقيعادا جاقىن جەردەگٸ تالعار اۋرۋحاناسىنا جەتكٸزۋ تالپىنىسى بولدى. الايدا سەبيدٸڭ اناسى ٶزٸ الماتىعا باعىت الىپ, سول جەردەن جەدەل جەردەم شاقىرتتى. وسى ورايدا قانشا ۋاقىت جوعالعاندىعى ايقىن كٶرٸنٸپ تۇر. ال ونىڭ تۋىسقانىنا قاتىستى وقيعاعا توقتالساق, اتالعان ەيەلدٸڭ سٶزٸ بويىنشا, ناۋقاستى تالعاردان قاسكەلەڭگە جەتكٸزبەك بولعان. وسى جاعداي بويىنشا بٸز تەكسەرۋ جٷرگٸزەمٸز», - دەدٸ ەلجان بٸرتانوۆ.
بۇل رەتتە ە. بٸرتانوۆ مەنينگيتتەن ادامداردىڭ ٶلٸمٸ بويىنشا ەربٸر وقيعاعا ساراپتاما جٷرگٸزٸلەتٸنٸن اتاپ ٶتتٸ.
«ەگەر دە زاڭبۇزۋشىلىقتار بولسا, قۇقىق قورعاۋ ورگاندارى دا تيٸستٸ شارالاردى اتقارادى. سونىمەن بٸرگە الماتى قالاسى پروكۋراتۋراسى قولدانىستاعى ستاندارتتاردىڭ ورىندالۋىنا قاتىستى تەكسەرۋدٸ باستادى. سوندىقتان دا تەرگەۋ شارالارى تاياۋدا عانا باستالعاندىقتان, ناقتى نەتيجەلەردٸ قازٸر ايتا المايمىن», - دەپ تٷيدٸ ۆەدومستۆو باسشىسى.
ەستەرٸڭٸزگە سالا كەتەيٸك, الماتى وبلىسىندا 19 جاستاعى قىز مەنينگوككوك ينفەكتسيياسىنان كٶز جۇمدى. ال ونىڭ الدىندا الماتىدا 5 جاسار بالانىڭ مەنينگيتتەن ٶمٸرٸ قيىلدى. بالا اۋرۋدىڭ بٸردەن اسقىناتىن تٷرٸنە شالدىققان. بۇدان بۇرىن حابارلانعانداي, مينيستر 2018 جىلى قازاقستاندا مەنينگيتتەن 12 ادام كٶز جۇمعانىن ايتتى.
