Alibaba ينتەرنەت-كورپوراتسيياسىنىڭ نەگٸزٸن قالاۋشى قىتايلىق ميللياردەر دجەك ما گولوۆكين - الۆارەس جەكپە-جەگٸ ٷشٸن ارنايى لاس-ۆەگاس قالاسىنا بارىپ, گولوۆكينگە قولداۋ كٶرسەتكەن, دەپ حابارلايدى قازاقپارات تٸلشٸسٸ.
جەكپە-جەكتەن العان ەسەرٸن دجەك ما ٶزٸنٸڭ Weibo ەلەۋمەتتٸك جەلٸدەگٸ پاراقشاسىندا جارييالادى.
«الدىڭعى كٷنٸ لاس-ۆەگاستا گولوۆكين - الۆارەس اراسىنداعى «عاسىر جەكپە-جەگٸن» تاماشالادىم. بۇل مەنٸڭ ٶمٸرٸمدە بوكستى العاش رەت جاقىن ارالىقتا تاماشالاۋىم. بوكسشىلاردىڭ بٸر-بٸرٸنە تيگٸزگەن جۇدىرىعىنىڭ داۋىسى, اققان تەرٸن جاقىننان سەزٸنۋ باسقاشا سەزٸم ەكەن. قازاقستاندىق 36 جاسار چەمپيون GGG-نىڭ جالىنداعان جاس جٸگٸتپەن اشىق ايقاسى, مەنٸ قاتتى شابىتتاندىردى» -, دەپ جازدى دجەك ما.
سونداي-اق, دجەك ما ادامدارعا گولوۆكين سيياقتى تەك العا قاراي ۇمتىلۋ كەرەك ەكەنٸن جەتكٸزدٸ.
ەسكە سالا كەتەيٸك, بوكس جانكٷيەرلەرٸ 2 جىل سارىلا كٷتكەن گولوۆكينمەن الۆارەس اراسىنداعى «عاسىر جەكپە-جەگٸ» 17 قىركٷيەك اقش-تىڭ لاس-ۆەگاس قالاسىنداعى «T-Mobile» ارەناسىندا ٶتكەن ەدٸ. 12 راۋندقا سوزىلعان ايقاستا بوكسشىلار ٷش تٶرەشٸنٸڭ 118-110, 115-113, 114-114 ەسەبٸمەن تەڭ تٷستٸ.
