Alibaba internet-korporatsiiasynyń negizin qalaýshy qytailyq milliarder Djek Ma Golovkin - Alvares jekpe-jegi úshin arnaiy Las-Vegas qalasyna baryp, Golovkinge qoldaý kórsetken, dep habarlaidy QazAqparat tilshisi.
Jekpe-jekten alǵan áserin Djek Ma óziniń Weibo áleýmettik jelidegi paraqshasynda jariialady.
«Aldyńǵy kúni Las-Vegasta Golovkin - Alvares arasyndaǵy «ǵasyr jekpe-jegin» tamashaladym. Bul meniń ómirimde boksty alǵash ret jaqyn aralyqta tamashalaýym. Boksshylardyń bir-birine tigizgen judyryǵynyń daýysy, aqqan terin jaqynnan seziný basqasha sezim eken. Qazaqstandyq 36 jasar chempion GGG-nyń jalyndaǵan jas jigitpen ashyq aiqasy, meni qatty shabyttandyrdy» -, dep jazdy Djek Ma.
Sondai-aq, Djek Ma adamdarǵa Golovkin siiaqty tek alǵa qarai umtylý kerek ekenin jetkizdi.
Eske sala keteiik, boks jankúierleri 2 jyl saryla kútken Golovkinmen Alvares arasyndaǵy «ǵasyr jekpe-jegi» 17 qyrkúiek AQSh-tyń Las-Vegas qalasyndaǵy «T-Mobile» arenasynda ótken edi. 12 raýndqa sozylǵan aiqasta boksshylar úsh tóreshiniń 118-110, 115-113, 114-114 esebimen teń tústi.
