12 مامىر كٷنٸ ەلەم بويىنشا حالىقارالىق مەدبيكەلەر كٷنٸ اتالىپ ٶتەدٸ. اتاۋلى كٷنگە وراي نۇر-سۇلتان قالالىق «كٶپسالالى مەديتسينا ورتالىعى» وپەراتسييا بٶلٸمشەسٸنٸڭ مەيٸربيكەسٸ 27 جاستاعى گٷلجاۋھار سەمسەرحان مەيٸربيكەلٸكتٸڭ قىر-سىرى تۋرالى قازاقپارات تٸلشٸسٸنە سۇحبات بەرگەن ەدٸ.
گٷلجاۋھار سەمسەرحان 2011 جىلى استانا قالالىق مەديتسينا كوللەدجٸن بٸتٸرگەن. 2014 جىلدان بەرٸ ەلوردادا بۇرىنعى ونكولوگييا ورتالىعى, قازٸرگٸ «كٶپسالالى مەديتسينا ورتالىعىنىڭ» وپەراتسييا بٶلٸمشەسٸندە مەيٸربيكە بولىپ قىزمەت ەتەدٸ. قازٸر كوروناۆيرۋس ەپيدەميياسىنا بايلانىستى قالالىق فتيزيوپۋلمونولوگييا ورتالىعىنىڭ ينفەكتسييا بٶلٸمٸندەگٸ يزولياتوردا جۇمىس ٸستەپ جاتىر.
«ٷش ايدان بەرٸ وسى ورتالىقتا كوروناۆيرۋس ينفەكتسيياسىن جۇقتىرعان ناۋقاستاردى ەمدەپ جاتىرمىز. ەرينە, باستاپقىدا ٶزٸمٸزدە دە قورقىنىش بولدى. ناۋقاستار دا, ماماندار دا بۇل كەسەلمەن العاش رەت بەتپە-بەت كەلدٸك. بٸرٸنشٸ اۋىسىمداعى جۇمىسىمىز تاڭعى 8-دە باستالادى. كەشكٸ التىعا دەيٸن 5 رەت ناۋقاستاردىڭ دەنە قىزۋىن ٶلشەيمٸز, تاعايىندالعان دەرٸلەردٸ تاراتىپ, ينە ەگەمٸز, تامىرعا دەرٸ جٸبەرەمٸز. تاڭەرتەڭ جەنە كەشكە ناۋقاستاردى رەنتگەن, كارديوتوكوگرافيياعا ەزٸرلەپ, اناليزگە سىناما الامىز. ەكٸنشٸ اۋىسىمعا كەلگەن مەيٸرگەرلەر وسىلاي تاڭعا دەيٸن كەزەكشٸلٸك ەتەدٸ», - دەپ تٷسٸندٸردٸ مەيٸربيكە قازاقپارات تٸلشٸسٸنە بەرگەن سۇحباتىندا.
ۆيرۋس جۇقتىرۋ قاۋپٸ جوعارى توپتا جۇمىس ٸستەگەنٸ ٷشٸن مەيٸربيكەگە اي سايىن 850 مىڭ تەڭگە ٷستەمەاقى تٶلەنٸپ جاتىر.
«بۇل جەردە مەملەكەتتٸڭ مەديتسينا ماماندارىنا قولداۋ كٶرسەتكەنٸ ٷشٸن راحمەت ايتقىم كەلەدٸ. سەۋٸردەن باستاپ ەلورداداعى «حيلتون» قوناقٷيٸندە تۇرىپ جاتىرمىز. بٸز ناۋقاستارمەن بايلانىسقان ادامدار سانالامىز, سوندىقتان وتباسىمىزعا ەمەس, قوناقٷيگە توقتادىق. مۇندا دا ٶز بٶلمەمٸزدەن باسقا جاققا, باسقا قاباتقا بارۋعا بولمايدى. تاماقتى دا بٸر رەتتٸك ىدىسپەن, بٸر رەتتٸك ستاقانمەن بەرەدٸ. مۇنىڭ بارلىعى قاۋٸپسٸزدٸك شارالارىن ساقتاۋ ٷشٸن جاسالۋدا», - دەيدٸ گ. سەمسەرحان.
ونىڭ ايتۋىنشا, حالىقارالىق مەيٸربيكەلەر كٷنٸن ەر مەديتسينالىق مەكەمە نازاردان تىس قالدىرماۋعا تىرىسادى. مەكەمە, باسشىلىق تاراپىنان ەڭبەگٸمەن ەلەنگەن مەيٸربيكەلەرگە قۇتتىقتاۋ مەن ماراپات قاعازدارى بەرٸلەدٸ.
«قازاقستاندا مەيٸربيكەلەر ٶتە تاپشى, قوعامدا بۇل مامانداردى جاقسى قادٸرلەيدٸ. ەلٸمٸزدە مەيٸربيكەلەردٸ باكالاۆر, ماگيستراتۋرا, دوكتورانتۋرا دەرەجەسٸندە وقىتۋدىڭ ٶزٸ - بٸزگە بەرٸلگەن ٷلكەن قۇرمەت دەپ ويلايمىن. سوڭعى 3-4 جىلدا مەديتسينالىق كوللەدجدەر جوعارعى مەديتسينالىق كوللەدجدەر دەپ اتالىپ, نازارباەۆ ۋنيۆەرسيتەتٸ مەن مەديتسينالىق اكادەمييادا جوعارعى باكالاۆر دەرەجەسٸندە ديپلوم بەرۋ ٷردٸسٸ باستالدى. ەلەمنٸڭ دامىعان ەلدەرٸندەگٸ بۇل تەجٸريبە قازاقستانعا دا كەلدٸ. بۇعان دەيٸن مەيٸربيكەلەر مانسابى اعا مەيٸربيكە نەمەسە باس مەيٸربيكە دەرەجەسٸمەن شەكتەلەتٸن ەدٸ. ال قازٸر ودان دا جوعارعى عىلىمي دەرەجەلەردٸ الا الادى», - دەيدٸ مامان.
سونىمەن بٸرگە, گٷلجاۋھار مەيٸربيكەلٸك قىزمەتتٸڭ باستى ارتىقشىلىقتارىن ايتىپ بەردٸ.
«قازٸر بٸرقاتار ماماندىق جاڭا تەحنولوگييالارعا تٶتەپ بەرە الماي, جوعالۋدىڭ الدىندا تۇر. ال مەيٸربيكە قىزمەتٸن ەشقانداي تەحنيكا, ەش روبوت الماستىرا المايدى, جىلدار بويى زامان تالابىمەن جاڭاراتىن ٶمٸرشەڭ, ٶزەكتٸ ماماندىق بولىپ قالا بەرەدٸ. ونىڭ ارتىقشىلىعى - بٸردەن-بٸر سۇرانىسقا يە ماماندىق بولۋىندا. ياعني, كەز كەلگەن ەلدٸمەكەندە نەمەسە قالادا لايىقتى جۇمىس ٸستەۋگە بولادى. بولاشاقتا مەيٸربيكەلەر شەتەلدە تەجٸريبە الماسۋ مٷمكٸندٸگٸ كٶبٸرەك بەرٸلسە ەكەن دەيمٸن. شەتەلدە بٸلٸكتٸلٸگٸن جەتٸلدٸرٸپ, اۋرۋحانالارىندا تەجٸريبە الماسسا دەپ ويلايمىن», - دەپ پٸكٸر بٸلدٸردٸ ول.
گٷلجاۋھار سەمسەرحان 7 جىلعا جۋىق ۋاقىت بويى ونكولوگييالىق ورتالىقتا قىزمەت كەلەدٸ. ول وپەراتسييالىق بٶلٸمدە حيرۋرگ اسسيستەنتٸ رەتٸندە وتاعا قاتىسىپ, قۇرالداردى, اپپاراتتاردى دايىندايدى.
«ونكولوگييانى ەمدەۋ ٸسٸ دە ٷزدٸكسٸز دامىپ كەلەدٸ. بۇرىندارى وتادا ٷلكەن تٸلٸك كەسٸلەتٸن بولسا, قازٸر لاپاروسكوپييا جولىمەن جاسالادى. كٶپتەگەن ناۋقاستار كەسەلگە كٶڭٸل بٶلمەي, كەشٸگٸپ كەلەدٸ. سول جاعى قيىنعا سوعادى. وسىنداي اۋرۋلاردىڭ الدىن الۋ ماقساتىندا قازٸر تٷرلٸ سكريرنگتەر ۇيىمداستىرىلادى. دەنٸ ساۋ ادام جىلىنا بٸر رەت دەنساۋلىعىن تەكسەرتٸپ تۇرۋ كەرەك. ونىڭ ٷستٸنە, مەديتسينالىق ساقتاندىرۋ اياسىندا تٸركەلگەن ەمحانادا بارلىق تەكسەرۋلەر تەگٸن جٷرگٸزٸلەدٸ», - دەپ كەڭەس بەردٸ مەيٸربيكە.
سٶز سوڭىندا مەيٸربيكە قازاقستانداعى بارشا ەرٸپتەستەرٸن بٷگٸنگٸ كەسٸبي مەرەكەسٸمەن قۇتتىقتادى.
«بارشا ەرٸپتەستەرٸمدٸ, تٶتەنشە جاعدايدا قىزمەت ەتٸپ جاتقان بارلىق مەكەمەلەردٸ بٷگٸنگٸ مەرەكەمەن قۇتتىقتايمىن! مەيٸربيكەنٸڭ تٷپ ماعىناسى - مەيٸرٸم بولعاندىقتان, ماماننىڭ بويىندا باۋىرمالدىق, مەيٸرٸم, كەسٸپكە ادالدىق پەن جاناشىرلىق قاسيەتتەرٸ بولۋى كەرەك. ناۋقاستىڭ تولىق جازىلىپ كەتۋٸ مەيٸربيكەنٸڭ جۇمىسىنا, كٷتٸمٸنە تٸكەلەي بايلانىستى. مەيٸربيكە مەن دەرٸگەردٸ بٶلٸپ قاراۋ مٷمكٸن ەمەس. ولار بٸرگە جۇمىس ٸستەۋ ارقىلى عانا ەمدەۋ ٸسٸندە نەتيجەگە قول جەتكٸزەدٸ. بارشا قازاقستاندىقتارعا جەنە مەملەكەت تاراپىنان بەرٸلٸپ جاتقان كٶمەككە العىس بٸلدٸرەمٸن», - دەيدٸ گٷلجاۋھار سەمسەرحان.
ايتا كەتەيٸك, حالىقارالىق مەدبيكەلەر كٷنٸ قىرىم سوعىسىندا (1853-1856) سانيتارلار جاساعىن ۇيىمداستىرىپ, ولارعا باسشىلىق ەتكەن اعىلشىن مەدبيكەسٸ - فلورەنس نايتينگەيلدٸڭ تۋعان كٷنٸندە - 12 مامىردا جىل سايىن تويلانادى. ەر ەكٸ جىل سايىن حالىقارالىق قىزىل كرەست جەنە قىزىل جارتى اي قوزعالىسى ەڭ ٷزدٸك 50 مەدبيكەگە فلورەنس نايتينگەيل اتىنداعى مەدالدٸ تابىستايدى.
