گەرمانييانىڭ بۇرىنعى كانتسلەرٸ انگەلا مەركەل رەسەيدٸڭ ۋكرايناعا باسىپ كٸرگەنٸ – ٶزٸ ٷشٸن كٷتپەگەن جايت بولماعانىن ايتتى. بۇل جٶنٸندە ول نەمٸستٸڭ Der Spiegel باسىلىمىنا مەلٸمدەگەن, دەپ جازادى ازاتتىق.
مەركەلدٸڭ سٶزٸنە قاراعاندا, كانتسلەر قىزمەتٸنەن كەتۋٸنە از قالعاندا ول رەسەي باسشىسى ۆلاديمير پۋتينمەن بايلانىس ورناتۋعا تىرىسقان. بۇرىنعى كانتسلەردٸڭ ايتۋىنشا, 2021 جىلى جازدا اقش پرەزيدەنتٸ دجو بايدەن جەنە ۆلاديمير پۋتين كەزدەسۋٸنەن سوڭ ول ۋكراينا مەسەلەسٸ بويىنشا ەۋروپالىق فورماتتا تالقىلاۋ ٶتكٸزگٸسٸ كەلگەن. وعان مەركەلدٸڭ ٶزٸ, پۋتين مەن فرانتسييا باسشىسى ەممانۋەل ماكرون قاتىسۋى تيٸس بولعان.
الايدا "بٸرەۋ قارسىلىق بٸلدٸرگەندٸكتەن" جيىندى ٶتكٸزۋ مٷمكٸن بولماعان. ال بارلىعى ونىڭ كٷزدە بيلٸكتەن كەتەتٸنٸن بٸلگەندٸكتەن, ەرٸ قاراي بۇل جيىندى ٶتكٸزۋگە كٷش سالا الماعان. مەركەلدٸڭ ايتۋىنشا, مۇنداي قاتىناس ونىڭ مەسكەۋگە سوڭعى ساپارىندا دا بايقالعان.
مەركەل سوعىستى بولدىرماۋعا باعىتتالعان ٶز باستاماسىن ٶزگە نەمٸس ساياساتكەرلەرٸنە بەرۋگە تىرىسقان, الايدا ەشقايسىسىنىڭ مۇنداي جاۋاپكەرشٸلٸكتٸ الۋعا باتىلى جەتپەگەن.
بۇعان دەيٸن مەركەل كانتسلەر قىزمەتٸنەن كەتكەننەن كەيٸن بەرگەن ٸرٸ سۇحباتىندا رەسەيدٸڭ ۋكرايناعا باسىپ كٸرۋٸن ٸرٸ قاتەلٸك دەپ اتاعان.
"بۇل - دٶرەكٸ, حالىقارالىق قۇقىقتى ەلەمەگەن شابۋىل, ونى اقتاۋعا بولمايدى" دەدٸ ول.
مەركەلدٸڭ ايتۋىنشا, پۋتيننٸڭ ٶشپەندٸلٸگٸ باتىستىڭ دەموكراتييا مودەلٸنە قارسى باعىتتالعان.
"ول ەۋرووداقتى جويعىسى كەلەدٸ, سەبەبٸ ونى ناتو-عا بٸرٸنشٸ قادام دەپ ەسەپتەيدٸ" دەدٸ گەرمانييانىڭ بۇرىنعى كانتسلەرٸ.
سىنشىلار مەركەلدٸ رەسەيمەن ٷنەمٸ تٸل تابىسۋعا تىرىستى, ۋكراينا مەسەلەسٸ بويىنشا دا قاتاڭ تالاپ قويمادى دەپ سىنايدى. وپپونەنتتەرٸ ونى "سولتٷستٸك اعىس–2" گاز قۇبىرى قۇرىلىسىن (گاز قۇبىرى اقىرى اياقتالدى, الايدا پايدالانۋعا بەرٸلگەن جوق) جاقتادى نەمەسە مينسك كەلٸسٸمٸ بويىنشا بٸرقاتار جەڭٸلدٸكتەر بەرۋگە دايىن بولدى دەپ سٶكتٸ. ونى سونىمەن بٸرگە 2008 جىلى ۋكراينا مەن گرۋزييانى ناتو-عا قابىلداۋعا قارسى بولعانى ٷشٸن دە سىناعان.
