Germaniianyń burynǵy kantsleri Angela Merkel Reseidiń Ýkrainaǵa basyp kirgeni – ózi úshin kútpegen jait bolmaǵanyn aitty. Bul jóninde ol nemistiń Der Spiegel basylymyna málimdegen, dep jazady Azattyq.
Merkeldiń sózine qaraǵanda, kantsler qyzmetinen ketýine az qalǵanda ol Resei basshysy Vladimir Pýtinmen bailanys ornatýǵa tyrysqan. Burynǵy kantslerdiń aitýynsha, 2021 jyly jazda AQSh prezidenti Djo Baiden jáne Vladimir Pýtin kezdesýinen soń ol Ýkraina máselesi boiynsha eýropalyq formatta talqylaý ótkizgisi kelgen. Oǵan Merkeldiń ózi, Pýtin men Frantsiia basshysy Emmanýel Makron qatysýy tiis bolǵan.
Alaida "bireý qarsylyq bildirgendikten" jiyndy ótkizý múmkin bolmaǵan. Al barlyǵy onyń kúzde bilikten ketetinin bilgendikten, ári qarai bul jiyndy ótkizýge kúsh sala almaǵan. Merkeldiń aitýynsha, mundai qatynas onyń Máskeýge sońǵy saparynda da baiqalǵan.
Merkel soǵysty boldyrmaýǵa baǵyttalǵan óz bastamasyn ózge nemis saiasatkerlerine berýge tyrysqan, alaida eshqaisysynyń mundai jaýapkershilikti alýǵa batyly jetpegen.
Buǵan deiin Merkel kantsler qyzmetinen ketkennen keiin bergen iri suhbatynda Reseidiń Ýkrainaǵa basyp kirýin iri qatelik dep ataǵan.
"Bul - dóreki, halyqaralyq quqyqty elemegen shabýyl, ony aqtaýǵa bolmaidy" dedi ol.
Merkeldiń aitýynsha, Pýtinniń óshpendiligi batystyń demokratiia modeline qarsy baǵyttalǵan.
"Ol Eýroodaqty joiǵysy keledi, sebebi ony NATO-ǵa birinshi qadam dep esepteidi" dedi Germaniianyń burynǵy kantsleri.
Synshylar Merkeldi Reseimen únemi til tabysýǵa tyrysty, Ýkraina máselesi boiynsha da qatań talap qoimady dep synaidy. Opponentteri ony "Soltústik aǵys–2" gaz qubyry qurylysyn (gaz qubyry aqyry aiaqtaldy, alaida paidalanýǵa berilgen joq) jaqtady nemese Minsk kelisimi boiynsha birqatar jeńildikter berýge daiyn boldy dep sókti. Ony sonymen birge 2008 jyly Ýkraina men Grýziiany NATO-ǵa qabyldaýǵa qarsy bolǵany úshin de synaǵan.
