وتباسى كٷنٸ قارساڭىندا قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆتىڭ قاتىسۋىمەن ونلاين فورماتتا «مەرەيلٸ وتباسى» ۇلتتىق كونكۋرسىنىڭ لاۋرەاتتارىن ماراپاتتاۋ رەسٸمٸ ٶتتٸ, دەپ حابارلايدى "ۇلت اقپارات".
مەملەكەتتٸك حاتشى رەسٸمدٸ اشا وتىرىپ مەملەكەت باسشىسى قاسىم-جومارت توقاەۆتىڭ قۇتتىقتاۋىن وقىدى, وندا كونكۋرستىڭ ٶسكەلەڭ ۇرپاقتى تەربيەلەۋدەگٸ جەنە وتباسىلىق قۇندىلىقتاردى نىعايتۋداعى ماڭىزدىلىعى اتاپ ٶتٸلگەن.
بيىل كونكۋرس ٶتكٸزۋدٸڭ جاڭا تەسٸلدەرٸ ەنگٸزٸلدٸ, وعان سەيكەس ەندٸ جىل سايىن رەسپۋبليكا بويىنشا 17 ٷزدٸك وتباسى انىقتالاتىن بولادى. جالپى اعىمداعى جىلى ٶڭٸرلٸك كونكۋرستىق كوميسسييالارعا بارلىعى 2 768 ٶتٸنٸم بەرٸلدٸ (68,7% اۋىلدىق وتباسىلار, 31,3% قالالىق وتباسىلار). جاڭا ەرەجەلەرگە سەيكەس ٶتٸنٸمدەر تەك وتباسىلاردان عانا ەمەس, زاڭدى تۇلعالاردان دا قابىلداندى.
ماراپاتتاۋ رەسٸمٸ بارىسىندا لاۋرەات وتباسىلار ٶز ەسەرلەرٸمەن بٶلٸستٸ.
وسىلايشا, اقمولا وبلىسىنىڭ كٶپ بالالى قانداس-وتباسىنىڭ باسشىسى قۇرمەت نۇرسۇلتان ەلباسى مەن پرەزيدەنت قاسىم-جومارت توقاەۆتقا قانداستارىمىزدى قولداعانى جەنە پەداگوگتاردىڭ مەرتەبەسٸن كٶتەرگەنٸ ٷشٸن العىس ايتتى.
سقو جەڭٸمپازى كرەيدۋن وتباسى – بەس بالانى اسىراپ الىپ, تەربيەلەپ وتىرعان ٷيلەسٸمدٸ جەنە تاتۋ وتباسىنىڭ ٷلگٸسٸ. يننا كرەيدۋن ونىڭ وتباسى باسقا دا كٶپتەگەن ادامدار سيياقتى قازاقستانداعى اۋىلداردىڭ ٶركەندەۋٸ مەن دامۋى ٷشٸن بارلىق كٷش-جٸگەرٸن سالاتىنىن اتاپ ٶتتٸ.
الماتى قالاسىنىڭ دەرٸگەرلەر ەۋلەتٸنٸڭ ٶكٸلٸ, «استانا ەكولايف» ەكۇ مەديتسينالىق ورتالىعىنىڭ باس ديرەكتورى احمەتوۆا الماگٷل مەملەكەت باسشىسىنىڭ باستاماسىمەن جٷزەگە اسىرىلىپ جاتقان «اڭساعان سەبي» باعدارلاماسىنىڭ جەنە بالاسىز وتباسىلاردى مەملەكەتتٸك قولداۋ شارالارىنىڭ ٶزەكتٸلٸگٸن اتاپ ٶتتٸ.
تٷركٸستان وبلىسىنىڭ جامالوۆتار وتباسى ٶڭٸردە اۋىل شارۋاشىلىعىن بەلسەندٸ دامىتۋدا. بيىل ەرلٸ-زايىپتىلار بٸرگە ٶمٸر سٷرۋدٸڭ 30 جىلدىعىن اتاپ ٶتەدٸ. «بٸزدٸڭ وتباسىمىز – ەل تەۋەلسٸزدٸگٸنٸڭ قۇرداسى!»,- دەيدٸ وتاعاسى اسىلبەك تۇرسىنبايۇلى.
بۇدان باسقا, وتباسى كٷنٸ قارساڭىندا ەلوردادا ايدوس نۇرباەۆ پەن اراي ساپارعاليقىزى وتباسى نەكە كۋەلٸگٸن الدى. ايدوس - جەكە كەسٸپكەر, اراي - جەتەكشٸ ينجەنەر-جوبالاۋشى. «مەرەيلٸ وتباسى» بايقاۋى - بٸز ٷشٸن جاقسى بەلگٸ! بٸز بويىمىزدى تٷزەگٸمٸز كەلەتٸن ٷلگٸلٸ وتباسىلاردىڭ اراسىندا بولعانىمىزعا قۋانىشتىمىز!» - دەپ, جاس جۇبايلار ويلارىمەن بٶلٸستٸ.
2016 جىلعى ۇلتتىق كونكۋرستىڭ جەڭٸمپازدارى اقتٶبە وبلىسىنىڭ نۇسقاباەۆتار وتباسىنىڭ ٶكٸلٸ قايرات نۇسقاباەۆ بۇل كونكۋرستىڭ ونىڭ وتباسى مٷشەلەرٸنٸڭ بارلىعىنا ٷلكەن جاۋاپكەرشٸلٸك جٷكتەگەنٸن ايتتى. «وسى جوعارى مەرتەبەنٸ ابىرويمەن ساقتاۋ - بٸزدٸڭ پارىزىمىز», - دەپ اتاپ ٶتتٸ ول جەڭٸمپاز وتباسىلار مەن جاس جۇبايلارعا باقىت پەن مىقتى دەنساۋلىق تٸلەي وتىرىپ.
ٸس-شاراعا سونداي-اق قازاقستان رەسپۋبليكاسى پرەزيدەنتٸنٸڭ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ تٶرايىمى, پارلامەنت مەجٸلٸسٸنٸڭ دەپۋتاتى لاززات رامازانوۆا, اقپارات جەنە قوعامدىق دامۋ مينيسترٸ ايدا بالاەۆا, وبلىستاردىڭ, نۇر-سۇلتان, الماتى جەنە شىمكەنت قالالارىنىڭ ەكٸمدەرٸ قاتىستى.
ەل پرەزيدەنتٸ اتىنان لاۋرەات وتباسىلارعا ەستەلٸك سىيلىقتاردى ٶڭٸرلەردٸڭ ەكٸمدەرٸ تابىس ەتتٸ.
ەستەرٸڭٸزگە سالا كەتەيٸك, «مەرەيلٸ وتباسى» ۇلتتىق بايقاۋى ەلباسىنىڭ باستاماسىمەن 2013 جىلى قۇرىلعان بولاتىن. بايقاۋدىڭ ماقساتى – وتباسى ينستيتۋتىن, وتباسىلىق قۇندىلىقتاردى نىعايتۋ, بالا تەربيەسٸندەگٸ اتا-انالاردىڭ جاۋاپكەرشٸلٸگٸن ارتتىرۋ, قازاقستاندىق وتباسىنىڭ جاعىمدى يميدجٸن ناسيحاتتاۋ.
