بٷگٸن «Nur Otan» سەزٸ قاسىم-جومارت توقاەۆتىڭ كانديداتۋراسىن بەكٸتتٸ. وسىعان وراي, قر پارلامەنت سەناتىنىڭ دەپۋتاتى بٸرعانىم ەيتٸموۆا ٶزٸنٸڭ بۇرىنعى باسشىسى تۋرالى ايتىپ بەردٸ, دەپ حابارلايدى قازاقپارات تٸلشٸسٸ.
«مەنٸڭشە, باسقا كانديداتتارعا قيىنداۋ بولادى. سەبەبٸ قاسىم-جومارت توقاەۆ - ٶز جۇمىسىنا دا, شەشٸمدەرٸنە دە بەرٸك ادام. سوسىن ٶتە جاۋاپتى ەرٸ ساۋاتتى. بارلىق سالالاردى جاقسى بٸلەدٸ. حالىقارالىق دەڭگەيدە دە سولاي. بٸرٸككەن ۇلتتار ۇيىمىندا جۇمىس ٸستەگەندە ٶزٸن كەسٸبي مەنەدجەر رەتٸندە كٶرسەتە بٸلدٸ. اتالعان ۇيىمنىڭ جەنەۆاداعى بٶلٸمشەسٸن جاڭعىرتۋعا ٷلكەن ٷلەس قوستى. سول سەبەپتٸ ونى «relable» (سەنٸمدٸ ادام - اۆت.) رەتٸندە مويىندادى. ول كەز كەلگەن باعدارلامانى باسقارۋدى عانا ەمەس, ونى ٸسكە اسىرۋ تەتٸكتەرٸن دە بٸلەدٸ», - دەدٸ ب.ەيتٸموۆا جۋرناليستەرگە بەرگەن سۇحباتىندا
سەناتور «Nur Otan» پارتيياسىنىڭ اتىنان پرەزيدەنت سايلاۋىنا قاسىم-جومارت توقاەۆتىڭ كانديداتۋراسى ۇسىنىلاتىنىن ٸشتەي جورامالداعان. سول سەبەپتٸ سەزدە ەش ٸركٸلمەي, كانديدات ٷشٸن داۋىس بەردٸ.
«ەلباسى نۇرسۇلتان نازارباەۆتى ەلەم بويىنشا مويىندايدى. ول قاسىم-جومارت توقاەۆتى پرەزيدەنتتٸككە ۇسىنسا, وعان سەنۋگە ەبدەن بولادى. سوسىن مەن ٶزٸم توقاەۆ مىرزانىڭ قاراماعىندا جۇمىس ٸستەدٸم جەنە ونى ادام رەتٸندە جاقسى بٸلەمٸن. مەسەلەن, بٷگٸن قاسىم-جومارت توقاەۆ ادالدىق پەن ەدەپتٸلٸك تۋرالى ايتتى. ول - ٶزٸ دە سونداي ادام. ونى سەنٸمدٸ تٷردە ايتا الامىن», - دەپ اتاپ كٶرسەتتٸ ب.ەيتٸموۆا.
ايتا كەتەيٸك, بٷگٸن ەلباسى «Nur Otan» پارتيياسىنان قر پرەزيدەنتتٸگٸنە ٷمٸتكەر رەتٸندە قاسىم-جومارت توقاەۆتىڭ كانديداتۋراسىن ۇسىندى. «Nur Otan» سەزٸ قاسىم-جومارت توقاەۆتىڭ كانديداتۋراسىن بٸراۋىزدان بەكٸتتٸ.
