الماتىداعى ورتالىق رەفەرەنس-زەرتحانانىڭ قىزمەتٸ مەن مەنينگيتتٸڭ تارالۋى اراسىندا ەشقانداي بايلانىس جوق. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ مەلٸمدەدٸ, دەپ حابارلايدى Sputnik قازاقستان تٸلشٸسٸ.
بٸرتانوۆ ورتالىق رەفەرەنس-زەرتحانا قازاق زوونەتيكالىق اۋرۋلار ينستيتۋتىنىڭ بازاسىندا جۇمىس ٸستەيتٸنٸن ايتتى. اتالعان عىلىمي ورتالىقتىڭ اشىلعانىنا بٸراز بولعان, وندا وسى ۋاقىت بويى قازاقستان اۋماعىندا تارالعان اسا قاۋٸپتٸ ينفەكتسييالاردىڭ شتاممدارى ساقتالعان.
"شىنىمەن دە, امەريكالىق ەرٸپتەستەردٸڭ كٶمەگٸمەن قاۋٸپسٸزدٸگٸ جوعارى زاماناۋي زەرتحانا سالىندى. ەندٸ سول شتاممدار قاۋٸپسٸز جەردە ساقتالادى. مەنينگيت شتاممىنا قاتىستى ايتار بولسام, بۇل حالىق اراسىندا كٷندەلٸكتٸ اينالىپ جٷرەتٸن شتاممدار. ولار زەرتحانادا ساقتالۋى تيٸس اسا قاۋٸپتٸ ينفەكتسييا ساناتىنا جاتپايدى. اتالعان رەفەرەنس-زەرتحانادا ۆيرۋس تارالاتىنداي تٶتەنشە جاعداي بولعان جوق", — دەدٸ بٸرتانوۆ استانادا ٶتكەن باسپاسٶز مەسليحاتىندا.
ايتا كەتسەك, الماتىداعى ورتالىق رەفەرەنس-زەرتحانادا وبا, سٸبٸر جاراسى, برۋتسەللەز سەكٸلدٸ اسا قاۋٸپتٸ جۇقپالى اۋرۋلار, سوڭعى جىلدارى شەت مەملەكەتتەردە پايدا بولعان زيكو, مەرس جەنە ەبولا سىندى ۆيرۋستار دا زەرتتەلەدٸ. اسا قاۋٸپتٸ پاتوگەندەر زەرتحانادا بارلىق حالىقارالىق جەنە وتاندىق ستاندارتپەن ساقتالادى.
جىل باسىنان بەرٸ رەسپۋبليكادا 58 ادام مەنينگيتپەن تٸركەلدٸ, ونىڭ اراسىندا 18 ناۋقاس – 14 جاسقا دەيٸنگٸ بالالار. اتالعان اۋرۋدان 12 ادام كٶز جۇمدى, ولاردىڭ ٸشٸندە بەسەۋٸ – 14 جاسقا دەيٸنگٸ بالالار.
ٶڭٸرلەر اراسىندا مەنينگيت جۇقتىرعاندار سانى ەڭ كٶپ الماتىدا تٸركەلگەن – 32 ادام, اقمولا وبلىسىندا – 2, اقتٶبە – 3, الماتى وبلىسىندا – 4, شقو – 4, جامبىل, قاراعاندى, قىزىلوردا وبلىستارىندا – 1, پاۆلودار – 2, وقو مەن استانادا – 4.
