قر دەنساۋلىق ساقتاۋ مينيسترلٸگٸ مەنينگيتكە بايلانىستى اتا-انالارعا ٶتە ساق بولۋعا كەڭەس بەرەدٸ, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"قۇرمەتتٸ اتا-انالار! قازٸرگٸ ۋاقىتتا مەنينگيتپەن سىرقاتتانۋشىلىقتىڭ ماۋسىمدىق كٶتەرٸلۋٸ بايقالادى. سٸزدەردەن بالالارىڭىزدىڭ دەنساۋلىق جاعدايىنا بارىنشا مۇقييات بولۋدى سۇرايمىز. مەنينگوكوكك ينفەكتسيياسى - باكتەرييالار تۋدىراتىن جٸتٸ ينفەكتسييالىق اۋرۋ, ول ەرتٷرلٸ كلينيكالىق بەلگٸلەرمەن - سيمپتومسىز تاسىمالداۋشىلىق, نازوفارينگيتتەن (مۇرىن مەن جۇتقىنشاق سٸلەمەيلٸ قابىعىنىڭ قابىنۋى) باستاپ مەنينگوكوكك سەپسيسٸنە (قاننىڭ جۇقتىرۋى) دەيٸن بولادى", - دەلٸنگەن مينيسترلٸكتٸڭ حابارلاماسىندا.
سونداي-اق, ۆەدومستۆو ٶكٸلدەرٸ دەرتتٸڭ قالاي باستالاتىنىن ايتىپ ٶتتٸ.
"مەنينگيت كەنەتتەن باستالادى: كٷتپەگەن جەردەن قاتتى باس اۋىرۋ, قۇسۋ, 6-15 ساعاتتان كەيٸن بٶرتپە پايدا بولادى, تەمپەراتۋرا 39-40 گرادۋسقا جەتەدٸ, ادام قالتىرايدى. تەرٸ بوزارادى. جالپى ەلسٸزدٸك, ارقانىڭ جەنە اياق-قولدىڭ سىرقىراۋى بايقالادى. ناۋقاس ادام شٶلدەيدٸ, تەبەتٸ ناشارلايدى. اۋرۋ جەڭٸل تٷردە ٶتۋٸ مٷمكٸن, سوندىقتان ٶتە قاۋٸپتٸ تٷردە ٶتەتٸنٸن ايتا كەتۋ كەرەك, ول تۇماۋ, باسپا, سۋىق تييۋ, تونزيلليت جەنە ت.ب. سيياقتى "زييانسىز" اۋرۋلارعا ۇقساس بولادى. توڭۋ, اۋىرۋ, قاتتى شارشاۋدان ورگانيزمنٸڭ قورعانىش كٷشتەرٸنٸڭ ەلسٸرەۋٸ سيياقتى قولايلى جاعداي پايدا بولعاندا مەنينگوكوكك باس ميىنىڭ قابىعىنا تەز ٶتەدٸ جەنە قابىنۋدى تۋدىرادى".
ينفەكتسييانىڭ كٶزٸ ناۋقاس ادامدار جەنە "دەنٸ ساۋ تاسىمالداۋشىلار", ياعني قانداي دا بٸر كلينيكالىق بەلگٸلەر جوق, بٸراق مەنينگوكوكك تاسىمالداۋشىلارى بولىپ تابىلاتىن ادامدار.
مەنينگيت كەزٸندە قانداي ەرەكەت جاساۋ كەرەك?
اۋرۋدىڭ ەدەتتەگٸ سۋىق تييۋ سيياقتى جاسىرىن ٶتۋٸ مٷمكٸن ەكەندٸگٸنە بايلانىستى دەرٸگەرگە ۋاقتىلى قارالۋ قاجەت. مەنينگيتكە كٷدٸك پايدا بولعان جاعدايدا پاتسيەنت ينفەكتسييالىق اۋرۋلار اۋرۋحاناسىنا شۇعىل ەمدەۋگە جاتقىزىلادى.
مەنينگيتتٸڭ الدىن الۋ ٷشٸن:
- قاجەت بولماسا, ادامدار كٶپ جينالاتىن جەرلەرگە, ساۋدا-ويىن-ساۋىق كەشەندەرٸنە, ناشار جەلدەتٸلەتٸن ٷي-جايلاردا ٶتكٸزٸلەتٸن مەدەني-كٶپشٸلٸك ٸس-شارالارعا بارۋدى شەكتەۋ;
- سۋىقتاماۋ جەنە اۋا رايىنا قاراي كيٸنۋ كەرەك. - قولدى جۋىڭىزدار. اۋرۋ جۇقتىرۋدى بولدىرماۋ ٷشٸن قولدى مۇقييات جۋعان ٶتە ماڭىزدى. بالالارىڭىزدى قولىن جيٸ جۋۋعا ٷيرەتٸڭٸزدەر, ەسٸرەسە تاماق ٸشۋ الدىندا, قوعامدىق ورىندا بولعاننان كەيٸن, سونداي-اق جانۋارلاردى ۇستاعاننان كەيٸن;
- ٶز دەنساۋلىعىڭىزدى باقىلاڭىزدار. جاقسى دەمالىپ, جٷيەلٸ تٷردە سپورتپەن اينالىسىپ جەنە دۇرىس تاماقتانۋدى ۇستانا وتىرىپ, ٶزدەرٸڭٸزدٸڭ يممۋندىق جٷيەلەرٸڭٸزدٸ ساقتاڭىزدار;
- ناۋقاسپەن قارىم-قاتىناستا بولعان ادامدار مەديتسينا قىزمەتكەرلەرٸنٸڭ باقىلاۋىمەن پروفيلاكتيكالىق ماقساتتا انتيبيوتيكتەردٸ قابىلداۋ جٶنٸندەگٸ دەرٸگەردٸڭ تاعايىنداۋىن ورىنداۋى كەرەك.
