وتباسى قايدا تۇرىپ جاتقانى جايىندا ەر دەپۋتات ٶزٸ جاۋاپ بەرۋٸ كەرەك. بۇل پٸكٸردٸ مەجٸلٸس تٶراعاسى ەرلان قوشانوۆ ايتتى, دەپ حابارلايدى قازاقپارات.
مەجٸلٸستٸڭ جالپى وتىرىسىنان كەيٸن تٸلشٸلەر قوشانوۆتان بۇرىنعى دەپۋتات جەنە قازٸرگٸ عىلىم مينيسترٸ ساياسات نۇربەكتٸڭ وتباسى شەتەلدە تۇرىپ جاتقانى قانشالىقتى ەتيكاعا ساي كەلەتٸنٸن سۇرادى.
«مەنٸڭ ويىمشا, كەشە ساياسات نۇربەك ٶزٸنٸڭ وتباسى نە سەبەپتٸ شەتەلدە ەكەنٸن تٷسٸندٸرگەن سيياقتى. ەكٸنشٸدەن, ول تٶرت اي بۇرىن عانا دەپۋتات رەتٸندە كەلدٸ. وعان دەيٸن ساياسات نۇربەك دەپۋتات بولماعان ەدٸ. ياعني سالىق تٶلەۋشٸلەر ەسەبٸنەن بيۋدجەتتەن جالاقى المادى. سوندىقتان بۇل ونىڭ تاڭداۋى بولدى», - دەدٸ مەجٸلٸس تٶراعاسى.
وسى ورايدا ول قانداي دا بٸر تەكسەرۋ بولمايتىنىن ايتتى.
«ەر دەپۋتات سٸزدەردٸڭ, حالىقتىڭ الدىندا بالالارى قايدا وقىپ جاتقانى, وتباسى قايدا تۇرىپ جاتقانى جايىندا ٶزٸ جاۋاپ بەرۋٸ كەرەك. مەن ٶزٸمە قاتىستى جاۋاپ بەرە الامىن, مەنٸڭ بالالارىم قاراپايىم مەكتەپتە بٸلٸم الدى», - دەدٸ قوشانوۆ.
سونىمەن قاتار ول مەجٸلٸستە ەتيكا كوميسسيياسى بار ەكەنٸن, دەپۋتاتتارعا قاتىستى مەسەلە وندا قارالماعانىن ايتتى.
جاقىندا عىلىم جەنە جوعارى بٸلٸم مينيسترٸ لاۋازىمىنا تاعايىندالعان ساياسات نۇربەك بالالارىن نەگە شەتەلدە وقىتقانىن تٷسٸندٸردٸ.
«ونىڭ ٷش سەبەبٸ بار, ەڭ الدىمەن جۇبايىمنىڭ دەنساۋلىعىندا كٸنەرات بار, وعان ناقتى مەديتسينالىق ۇسىنىم دا بار. ەكٸنشٸدەن, بالالارىمدى قازاقستانداعى جەكە مەكتەپتەردە وقىتۋعا قاراجاتىم جەتپەدٸ, ٷشٸنشٸدەن, كيپردە بريتاندىق فورماتتاعى جاقسى اعىلشىن مەكتەبٸ بولدى. بٸراق ۋايىمداماڭىزدار, 26 ماۋسىم كٷنٸ بالالارىم قازاقستانعا ۇشىپ كەلەدٸ», - دەپ جاۋاپ بەردٸ مينيستر.
