ەلەۋمەتتٸك جەلٸدە Magnum E-commerce Kazakhstan كومپانيياسىنىڭ قىزمەتكەرٸ باسشىلىققا ٷندەۋ جاساپ, جۇمىس ورنىندا بولعان داۋلى جاعداي تۋرالى مەلٸمدەدٸ, دەپ حابارلايدى ult.kz.
قىزمەتكەردٸڭ ايتۋىنشا, وقيعا 19 شٸلدە كٷنٸ جۇمىس اۋىسىمى كەزٸندە بولعان. ول تاپسىرىستاردى جيناپ جٷرگەن سەتتە كۋرەرلەردٸڭ بٸرٸ ٶزٸن ۇيالى تەلەفونعا بٸرنەشە رەت تٷسٸرٸپ جٷرگەنٸن بايقاعان. ونىڭ سٶزٸنشە, تٷسٸرٸلٸم ٶز كەلٸسٸمٸنسٸز جەنە ەدەيٸ جاسالعان.
وسىدان كەيٸن ول اعا كۋرەرگە شاعىمدانىپ, ەكەۋٸ بٸرگە بەينەباقىلاۋ كامەرالارىنىڭ جازباسىن قاراعان. قىزمەتكەردٸڭ ايتۋىنشا, بەينەجازبا ونىڭ سٶزٸن راستاعان. اعا كۋرەر اتالعان قىزمەتكەردٸڭ ەرەكەتٸنە قاتىستى شارا قولدانىلىپ, جۇمىستان شىعارىلاتىنىن ايتقان.
الايدا كەلەسٸ كٷنٸ جاعداي كٷتپەگەن جەردەن ٶزگەرگەن. اۆتوردىڭ سٶزٸنشە, باسشىلىق كۋرەردٸڭ ەرەكەتٸن ەمەس, ٶزٸن كٸنەلاعان.
«ديرەكتور مەنٸڭ تەربيەمدٸ, سىرتقى كەلبەتٸمدٸ جەنە كيٸمٸمدٸ تالقىلاي باستادى. بۇل مەسەلەگە ەش قاتىسى بولماسا دا, ماعان دٶرەكٸ سٶيلەپ, قىسىم كٶرسەتتٸ», – دەيدٸ ول.
ونىڭ ايتۋىنشا, ٶزٸن رۇقساتسىز ۆيدەوعا تٷسٸرگەن كۋرەر جۇمىسىن جالعاستىرعان, ال ٶزٸ ەشقانداي زاڭدى تٷسٸندٸرمەسٸز جۇمىسقا جٸبەرٸلمەگەن.
ٷش جىلدان بەرٸ كومپانييادا ەڭبەك ەتٸپ كەلە جاتقانىن ايتقان قىزمەتكەر بۇل جاعدايدان كەيٸن ەلەۋمەتتٸك جەلٸ ارقىلى كومپانييانىڭ الماتىداعى باسشىلىعىنا ٷندەۋ جولداعان. ول جارييالاعان جازباسىندا ەرەكشە جەڭٸلدٸك نەمەسە ارتىقشىلىق سۇرامايتىنىن, تەك وقيعاعا قاتىستى بەينەباقىلاۋ جازبالارى تەكسەرٸلٸپ, ەدٸل شەشٸم قابىلدانۋىن قالايتىنىن جەتكٸزدٸ.
ەلەۋمەتتٸك جەلٸدە تاراعان Magnum E-commerce Kazakhstan قىزمەتكەرٸنٸڭ شاعىمىنا كومپانييا رەسمي پٸكٸر بٸلدٸردٸ.
كومپانييانىڭ مەلٸمەتٸنشە, قىزمەتكەردٸڭ ٶتٸنٸشٸ كەلٸپ تٷسكەن سەتتەن باستاپ قاۋٸپسٸزدٸك قىزمەتٸنٸڭ قاتىسۋىمەن قىزمەتتٸك تەكسەرۋ باستالعان.
«وقيعانىڭ بارلىق مەن-جايىن جان-جاقتى قاراستىرۋ ٷشٸن بەلگٸلٸ بٸر ۋاقىت قاجەت. قازٸرگٸ تاڭدا بولعان جاعدايدىڭ بارلىق دەرەگٸ تەكسەرٸلٸپ جاتىر», – دەلٸنگەن كومپانييانىڭ جاۋابىندا.
سونداي-اق Magnum تەكسەرۋ اياقتالىپ, تيٸستٸ شەشٸم قابىلدانعاننان كەيٸن ٶتٸنٸش يەسٸمەن جەكە حابارلاما ارقىلى بايلانىسقا شىعاتىنىن مەلٸمدەدٸ.
