اقورداداعى بريفينگ كەزٸندە قازاقستان پرەزيدەنتٸ قاسىم-جومارت توقاەۆ شەتەلدٸك جۋرناليستٸڭ «سايلاۋدىڭ قورىتىندىسىن تولىق «بيلٸك ترانزيتٸ» دەۋگە بولا ما?» دەگەن سۇراعانى جاۋاپ بەردٸ.
مەملەكەت باسشىسى «ترانزيت» دەگەن سٶزگە قارسى ەكەنٸن ايتتى.
«مەن رەسەيلٸك باق ٶكٸلدەرٸنە سۇحبات بەرگەندە «قازاقشا ترانزيت» دەگەندٸ كٸشكەنە تٷسٸندٸرٸپ كەتكەن بولاتىنمىن. ترانزيت دەگەن نە? دەمەك, مەن ترانزيتتٸك جولاۋشىمىن با, ەلدە جولشىباي اداممىن با? جوق, مەن ٶزٸمدٸ قازاقستان رەسپۋبليكاسىنىڭ تولىققاندى پرەزيدەنتٸمٸن دەپ ەسەپتەيمٸن. مەن - جولاۋشى ەمەسپٸن. پويىزدى, ۇشاقتى اۋىستىرايىن دەپ وتىرعان جوقپىن, قوزعالىپ بارا جاتقان ەشقانداي قۇرالعا اۋىسىپ وتىرايىن دەپ وتىرعان جوقپىن. سوندىقتان بۇل سٶزدٸ دوعارايىق. سايلاۋ ٶتتٸ, پرەزيدەنت سايلاندى», - دەدٸ قاسىم-جومارت توقاەۆ.
سونداي-اق, ول قر پرەزيدەنتٸ رەتٸندە كانديداتتىققا شەشٸم قابىلدانعان كەزدە جەنە سايلاۋ قورىتىندىسىن ەستٸگەندە قانداي سەزٸمدە بولعانىن ايتتى.
«كانديدات رەتٸندە ۇسىنۋ تۋرالى شەشٸم قابىلدانعاندا نەمەسە جارييالانعاندا مەن بۇل سەزٸمدەردٸ ارتتا قالدىرعان بولاتىنمىن. سەبەبٸ بۇل سۇراق 3 جىل بويى تالقىلانىپ كەلدٸ.
...سٸزدەر تاڭعالاسىزدار, ەرينە, بٸراق مەندە قانداي دا بٸر سەزٸم بولعان جوق. بٸرتٷرلٸ قىزىق سالقىن سابىرلىق بولدى. نەگە ەكەنٸن بٸلمەيمٸن. مٷمكٸن, مەن ودان ارى نە ٸستەيتٸنٸمدٸ ويلاعان شىعارمىن, ال جۇمىس كەستەسٸ ٶتە تىعىز. بىلايشا ايتقاندا, كٷلەتٸن دە, قۋاناتىن دا ۋاقىت جوق.
ونىڭ ٷستٸنە پرەزيدەنت رەتٸندە جٷكتەلگەن جاۋاپكەرشٸلٸكتٸ تٷسٸنەسٸڭ», - دەدٸ قاسىم-جومارت توقاەۆ.
ەستەرٸڭٸزگە سالا كەتەيٸك, قاسىم-جومارت توقاەۆ سايلاۋ قورىتىندىسى بويىنشا ايقىن باسىمدىقپەن جەڭٸسكە جەتتٸ.
