Aqordadaǵy brifing kezinde Qazaqstan Prezidenti Qasym-Jomart Toqaev sheteldik jýrnalistiń «sailaýdyń qorytyndysyn tolyq «bilik tranziti» deýge bola ma?» degen suraǵany jaýap berdi.
Memleket basshysy «tranzit» degen sózge qarsy ekenin aitty.
«Men reseilik BAQ ókilderine suhbat bergende «qazaqsha tranzit» degendi kishkene túsindirip ketken bolatynmyn. Tranzit degen ne? Demek, men tranzittik jolaýshymyn ba, álde jolshybai adammyn ba? Joq, men ózimdi Qazaqstan Respýblikasynyń tolyqqandy prezidentimin dep esepteimin. Men - jolaýshy emespin. Poiyzdy, ushaqty aýystyraiyn dep otyrǵan joqpyn, qozǵalyp bara jatqan eshqandai quralǵa aýysyp otyraiyn dep otyrǵan joqpyn. Sondyqtan bul sózdi doǵaraiyq. Sailaý ótti, Prezident sailandy», - dedi Qasym-Jomart Toqaev.
Sondai-aq, ol QR Prezidenti retinde kandidattyqqa sheshim qabyldanǵan kezde jáne sailaý qorytyndysyn estigende qandai sezimde bolǵanyn aitty.
«Kandidat retinde usyný týraly sheshim qabyldanǵanda nemese jariialanǵanda men bul sezimderdi artta qaldyrǵan bolatynmyn. Sebebi bul suraq 3 jyl boiy talqylanyp keldi.
...Sizder tańǵalasyzdar, árine, biraq mende qandai da bir sezim bolǵan joq. Birtúrli qyzyq salqyn sabyrlyq boldy. Nege ekenin bilmeimin. Múmkin, men odan ary ne isteitinimdi oilaǵan shyǵarmyn, al jumys kestesi óte tyǵyz. Bylaisha aitqanda, kúletin de, qýanatyn da ýaqyt joq.
Onyń ústine prezident retinde júktelgen jaýapkershilikti túsinesiń», - dedi Qasym-Jomart Toqaev.
Esterińizge sala keteiik, Qasym-Jomart Toqaev sailaý qorytyndysy boiynsha aiqyn basymdyqpen jeńiske jetti.
