فوتو: Smartnews.kz
ماڭعىستاۋ وبلىسىنىڭ ەكٸمٸ نۇردەۋلەت قيلىباي ورتالىق كوممۋنيكاتسييا قىزمەتٸندە ٶتكەن بريفينگتە جەكە ٶمٸرٸنە قاتىستى جانجالعا اشىق جاۋاپ بەردٸ, دەپ حابارلايدى Ult.kz Ertenmedia.kz پورتالىنا سٸلتەمە جاساپ.
ەكٸم بٸرنەشە جىل بويى ەلەمجەلٸ مەن اقپارات قۇرالدارىندا ايتىلىپ جٷرگەن مەسليحاتتىڭ بۇرىنعى دەپۋتاتى ىنتاش ناۋرىزوۆامەن ورتاق بالاسى بار ەكەنٸ تۋرالى مەسەلەنٸ تٷسٸندٸردٸ.
جۋرناليست ەكٸمگە وسى وقيعا نەگە بٸرنەشە جىلدان كەيٸن عانا جارييا بولعانىن جەنە ونىڭ رەپۋتاتسيياسىنا قالاي ەسەر ەتكەنٸن سۇرادى.
«بۇل ٶتە-مٶتە جەكە مەسەلە, دەگەنمەن جاۋاپ بەرەيٸن. ەلەمجەلٸدە كەيبٸر ەرٸپتەستەرٸڭٸز سوت مەنٸ دنق ساراپتاماسى ارقىلى بالانى مويىنداۋعا مٸندەتتەدٸ دەپ جازدى.
شىن مەنٸندە جاعداي مٷلدەم باسقاشا. مەن بالانى مويىنداۋ ٷشٸن سوتقا ٶز ەركٸممەن ٶتٸنٸش بەردٸم. سوت مەنٸڭ ٶتٸنٸشٸمدٸ قاناعاتتاندىردى. قازٸر زاڭ بويىنشا اليمەنت تٶلەنٸپ وتىر», – دەدٸ ەكٸم.
اليمەنت كٶلەمٸن ناقتى اتاماعان ەكٸم, شامامەن جالاقىسىنىڭ 20-25 پايىزى ەكەنٸن ايتتى.
«بۇعالتىردان ناقتى انىقتاۋ كەرەك. جالپى جالاقىم 1,9 ميلليون تەڭگە. قولعا الاتىنىم وسى سومادان اليمەنت ۇستالعانداعى قالعان قاراجات», – دەدٸ قيلىباي. ٶڭٸر باسشىسى وسى جاعداي ٷشٸن ٶكٸنەتٸنٸن دە جاسىرمادى.
«يە, بۇل كەزٸندە جٸبەرگەن قاتەلٸگٸم. ٶكٸنٸشكە قاراي, ٶتكەندٸ ٶزگەرتۋ مٷمكٸن ەمەس. دەل قازٸر ەسٸل-دەرتٸم ٶڭٸردٸ دامىتۋ. ەرينە, بۇل وقيعا مەن ٷشٸن جاعىمدى ەمەس», – دەدٸ ەكٸم.
سونىمەن قاتار ەكٸم قازٸر بۇرىنعى مەسليحات دەپۋتاتى ىنتاش ناۋرىزوۆادان تۋعان بالامەن ارالاسپايتىنىن جەتكٸزدٸ. ايتا كەتەيٸك, نۇردەۋلەت قيلىباي ٷيلەنگەن, بەس بالاسى بار.
