قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا قازاقستاندا مەملەكەتتٸك قىزمەتشٸلەردٸڭ سانىن 25 پايىزعا قىسقارتۋ تۋرالى پرەزيدەنت تاپسىرماسى قالاي ورىندالاتىنىن ايتىپ بەردٸ, دەپ حابارلايدى قازاقپارات.
«بيىل مەملەكەتتٸك اپپاراتتى 10 پايىزعا, كەلەسٸ جىلى تاعى 15 پايىزعا وڭتايلاندىرۋ جوسپارلانىپ وتىر. وسىلايشا پرەزيدەنتتٸڭ مەملەكەتتٸك اپپاراتتى 25 پايىزعا قىسقارتۋ تۋرالى تاپسىرماسى 2021 جىلى جٷزەگە اسىرىلادى», - دەدٸ انار جايىلعانوۆا وكق-دا ٶتكەن باسپاسٶز مەسليحاتىندا.
اگەنتتٸك تٶراعاسىنىڭ ايتۋىنشا, قازٸرگٸ ۋاقىتتا قازاقستاندا 97 مىڭ مەملەكەتتٸك قىزمەتشٸ بار. بۇل – 9,2 ملن ەكونوميكالىق بەلسەندٸ حالىقتىڭ 1,1 پايىزى.
«بۇل كٶرسەتكٸش دامىعان مەملەكەتتەردٸڭ كٶرسەتكٸشٸمەن ساي كەلەدٸ. مەسەلەن فرانتسييادا مەملەكەتتٸك قىزمەتشٸلەردٸڭ ٷلەسٸ 8 پايىزدى, كانادادا 1,5 پايىزدى, اۆسترالييادا 1,4 پايىزدى, اقش-تا 1,3 پايىزدى قۇرايدى. كەيٸنگٸ جىلدارى قازاقستاندا مەملەكەتتٸك قىزمەتشٸلەردٸڭ سانىن قىسقارتۋ باعىتىندا جۇمىس جٷرگٸزٸلٸپ جاتىر. 2018 جىلى بٸزدە 98,7 مىڭ مەملەكەتتٸك قىزمەتشٸ بولسا, 2019 جىلى ولاردىڭ سانى 97,4 مىڭ, 2020 جىلدىڭ ٸ جارتىجىلدىعىندا 97 مىڭ بولدى», - دەدٸ ول.
مەملەكەتتٸك ورگاندار حالىقتىڭ ٶمٸرٸنٸڭ بٷكٸل سالاسىنىڭ ٷزٸلٸسسٸز جۇمىسىن قامتاماسىز ەتەتٸنٸن ەسكەرە وتىرىپ, قىسقارتۋ سالدارىنان كەلۋٸ مٷمكٸن جاعىمسىز جايلاردى نازار الىپ, بٸرقاتار شارا قابىلدانۋ كٶزدەلۋدە.
«بٸرٸنشٸدەن وڭتايلاندىرۋعا جاتاتىن لاۋازىمدار كەزٸندە ەڭ بٸرٸنشٸدەن تۇراقتى ۆاكانتتى لاۋازىمدار قاراستىرىلادى. بٷگٸنگٸ تاڭدا ۆاكانسييالاردىڭ سانى 8 مىڭ. بۇل – مەملەكەتتٸك اپپاراتتىڭ جالپى لاۋازىمىنىڭ 8,5 پايىزى. سونىمەن بٸرگە زەينەتكەرلەردٸڭ جۇمىستى بوساتۋىنا بايلانىستى 1 مىڭ لاۋازىم بوس قالادى. ودان بٶلەك 6 مىڭ مەملەكەتتٸك قىزمەتكەر جەكە سەكتورعا نەمەسە باسقا دا ۇيىمدارعا اۋىسادى. بۇل جاعدايلار مەملەكەتتٸك قىزمەتشٸلەردٸڭ شىنايى قىسقارۋىن ازايتار دەگەن سەنٸمدەمٸز», - دەدٸ انار جايىلعانوۆا.
