مەملەكەتتٸك قىزمەتشٸلەرگە جالاقى تٶلەۋ جٷيەسٸن ٶزگەرتۋ كەرەك.
مۇنداي پٸكٸردٸ قارجى مينيسترلٸگٸندەگٸ «ادالدىق الاڭى» جوبالىق كەڭسەسٸنٸڭ باسشىسى ولجاس قۇدايبەرگەنوۆ بٸلدٸردٸ, دەپ حابارلايدى قازاقپارات.
«مەملەكەتتٸك قىزمەتشٸلەرگە جالاقى تٶلەۋگە قاتىستى پروبلەمانىڭ ەكٸ قىرى بار. بٸرٸنشٸسٸ - بۇل شەنەۋنٸكتەر سانى قاجەتتٸ كٶرسەتكٸشتەن ارتىق. ايتالىق, 2011 جىلى مەملەكەتتٸك قىزمەتشٸلەر سانى 65 مىڭ بولسا, قازٸر شامامەن 98 مىڭ ادامعا جەتٸپ جىعىلادى. ياعني, 9 جىلدىڭ ٸشٸندە 50 پايىزعا جۋىق كٶبەيٸپ وتىر. ٶسٸم كٷشتٸك مەملەكەتتٸك قىزمەتشٸلەردٸڭ بٸر بٶلٸگٸنٸڭ ەكٸمشٸلٸك ازاماتتىق مەملەكەتتٸ قىزمەتشٸلەر ساناتىنا اۋىستىرىلۋىمەن تٷسٸندٸرٸلەدٸ. ەرينە, ارتىق لاۋازىمداردى الىپ تاستاۋ ارقىلى مەملەكەتتٸك قىزمەتشٸلەر سانىن قىسقارتۋ دا قاجەت. پروبلەمانىڭ ەكٸنشٸ قىرى – جالاقى تٶلەۋ», - دەدٸ ول.
وسى رەتتە ول قر پرەزيدەنتٸ قاسىم-جومارت توقاەۆ مەملەكەتتٸك اپپاراتى جاڭارتۋ تۋرالى ايتقانىن, سونىڭ اياسىندا جالاقى تٶلەۋ جٷيەسٸن ٶزگەرتٸپ, مەملەكەتتٸك اپپاراتتى دا بارىنشا جاڭعىرتۋ قاجەتتٸگٸن باسا ايتتى. مەملەكەتتٸك قىزمەتشٸلەر جالاقىسىنىڭ تٶمەن بولۋى جەمقورلىق پروبلەماسىنا تٷرتكٸ بولۋى ىقتيمال ەكەندٸگٸن دە اتاپ ٶتتٸ.
«جالاقى تٶلەۋ جايىندا سٶز قوزعاعاندا ولاردىڭ ەڭبەكاقىسى تٶمەن ەكەندٸگٸنٸ بايقايمىز. وسى كەمشٸلٸكتٸ جويۋ قاجەت. جاعداي ٶزگەرە باستاعان كەزدە كٶپتەگەن وڭ جايتتى بايقايتىن بولامىز. قارجى بٶلۋ نەمەسە جەڭٸلدٸكتەر مەن ماتەريالدىق ىنتالاندىرۋ ۇسىنۋعا قاتىستى شەشٸمدەردٸ ۆيتسە-مينيستر, ەكٸم, ەكٸمنٸڭ ورىنباسارى دەڭگەيٸندە قابىلدايتىنداي جاساعانىمىز جٶن بولار ەدٸ», - دەدٸ ولجاس قۇدايبەرگەنوۆ.
