قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ولجاس بەكتەنوۆ مەملەكەتتٸك قىزمەتشٸلەردٸڭ, پارلامەنت دەپۋتاتتارى مەن سۋديالارعا شەتەلدٸك بانكتەردە شوت اشۋعا تىيىم سالۋعا قاتىستى زاڭداعى جاڭا نوۆەللانىڭ مەن-جايىن تٷسٸندٸردٸ, دەپ حابارلايدى قازاقپارات.
«مەملەكەتتٸك قىزمەت – بٸرقاتار شەكتەۋلەردٸ قابىلداۋدى كٶزدەيتٸن قىزمەتتٸڭ ەرەكشە تٷرٸ. وسى تٷزەتۋلەردٸ ەزٸرلەۋ كەزٸندە ەل مەن حالىقتىڭ مٷددەسٸ ٷشٸن قىزمەت ەتۋ يدەولوگيياسى باسشىلىققا الىندى. ەندٸ مەملەكەتتٸك قىزمەتشٸلەردٸ قىزمەتكە تاعايىنداۋ كەزٸندە شەتەلدەگٸ شوتتارىن جابۋ ٷشٸن التى ايلىق مەرزٸم بەرٸلەدٸ. جۇمىس ٸستەپ جٷرگەن مەملەكەتتٸك قىزمەتشٸلەرگە قاتىستى سٶز قوزعاساق, ولارعا زاڭ قولدانىسقا ەنگٸزٸلگەن كٷننەن باستاپ قازاقستان رەسپۋبليكاسىنان تىس اۋماقتا ورنالاسقان شەتەلدٸك بانكتٸك شوتتاردى جابۋعا التى اي بەرٸلەدٸ», - دەدٸ ولجاس بەكتەنوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, بۇل رەتتە مەملەكەتتٸك قىزمەتشٸلەردٸڭ شەتەلدٸك بانكتەردە شوتتارىنىڭ بولۋىنا قۇقىعى بار جاعدايلار ايقىندالعان.
«ولاردىڭ قاتارىندا: شەتەلدە جۇمىس ٸستەۋ, وقۋ, تاعىلىمدامادان ٶتۋ, ٸسساپار نەمەسە ەمدەلۋدەن ٶتۋ, كەمەلەتكە تولماعان بالانىڭ زاڭدى ٶكٸلٸ رەتٸندە شەتەلدە بولۋ جاعدايلارى بار. ەگەر مەملەكەتتٸك قىزمەتشٸ شەتەلدٸك بانكتەگٸ شوتتى جاپقىسى كەلمەسە, مەملەكەتتٸك قىزمەتتەن كەتۋگە نيەت بٸلدٸرسە, وندا ول ٶز ەركٸمەن جۇمىستان شىعۋ تۋرالى ٶتٸنٸش بەرە الادى», - دەدٸ ول.
