تٶتەنشە جاعداي كەزٸندە مەملەكەتتٸك قىزمەتشٸلەردٸڭ ٷيدەن جۇمىس ٸستەۋٸ ٷشٸن قاجەتتٸ تەحنيكالىق مٷمكٸندٸكتەر ٸسكە اسىرىلدى, دەپ حابارلايدى "ۇلت اقپارات".
«قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ (تسدياٶم) «ۇات» اق, مەملەكەتتٸك تەحنيكالىق قىزمەت جەنە بايلانىس وپەراتورلارىمەن بٸرلەسٸپ, مەملەكەتتٸك قىزمەتشٸلەردٸ ٶزدەرٸنٸڭ جۇمىس جٷيەلەرٸنە, ياعني ەلەكتروندىق پوشتا مەن ەلەكتروندى قۇجات اينالىمىنا قاشىقتان قوسۋ ٷشٸن تيٸستٸ تەحنيكالىق شەشٸمدٸ ٸسكە اسىردى. بۇل مەملەكەتتٸك قىزمەتشٸلەرگە ٷيدە وتىرىپ, ەلەكتروندى قۇجات اينالىمى جٷيەسٸنە كەلٸپ تٷسكەن حات-حابارمەن جۇمىس ٸستەۋگە مٷمكٸندٸك بەرەدٸ», - دەلٸنگەن اتالعان مينيسترلٸك حابارلاماسىندا.
اتاپ ايتقاندا, بۇل شارا قازاقستان پرەزيدەنتٸنٸڭ ەلدەگٸ تٶتەنشە جاعداي كەزٸندە مەملەكەتتٸك جەنە كۆازيمەملەكەتتٸك سەكتورداعى بارلىق قىزمەتكەرلەردٸڭ 70 پايىزىن قاشىقتان جۇمىس ٸستەۋگە كٶشٸرۋ تۋرالى تاپسىرماسىن ورىنداۋ ماقساتىندا قابىلداندى.
بەلگٸلٸ بولعانداي, تسدياٶم-نٸڭ 150-دەن استام قىزمەتكەرٸ قاجەتتٸ اقپاراتتىق جٷيەلەرگە, ەلەكتروندى پوشتا مەن قۇجات اينالىمىنا قوسىلۋ ارقىلى قاشىقتان جۇمىس ٸستەۋگە مٷمكٸندٸك الدى. سونداي-اق, بارلىق مەملەكەتتٸك ورگان قىزمەتكەرلەرٸن ٶز ورگاندارىنىڭ اقپاراتتىق جٷيەسٸنە قاشىقتان قوسۋ جۇمىستارى باستالدى.
«جۇمىس كەزەڭ-كەزەڭمەن جٷرگٸزٸلەدٸ. دەل قازٸرگٸ ۋاقىتتا ەنەرگەتيكا, ەكولوگييا, دەنساۋلىق ساقتاۋ, ەڭبەك جەنە حالىقتى ەلەۋمەتتٸك قورعاۋ مينيسترلٸكتەرٸ اقپاراتتىق جٷيەلەرگە قوسىلۋدا. بۇل جۇمىستىڭ نەتيجەسٸندە تاياۋدا 30 000-نان استام مەملەكەتتٸك قىزمەتشٸ ٷيدەن جۇمىس ٸستەۋگە مٷمكٸندٸك الادى», - دەلٸنگەن تاراتىلعان مەلٸمەتتە.
بۇل مٷمكٸندٸكتٸ ۇسىنۋ ٷشٸن بايلانىس وپەراتورلارى قاشىقتان قوسىلۋ ورىندارىندا بايلانىس ارنالارىنىڭ پارامەترلەرٸن ەسكەرە وتىرىپ, قاجەتتٸ ينفراقۇرىلىمدى دايىندادى. مەملەكەتتٸك قىزمەتشٸلەردٸ قۇجات اينالىمى جٷيەسٸنە قاشىقتىقتان قوسۋدى ۇيىمداستىرۋ ٷشٸن ەلەكتروندى قۇجات اينالىمىنىڭ بٸرىڭعاي جٷيەسٸ پلاتفورماسىنان بۇلتتى تەحنولوگييالارعا كٶشۋ جٷزەگە اسىرىلادى.
