مەن مەملەكەتتٸك قىزمەتتە جۇمىسقا كٸرەمٸن دەپ شەشتٸم. ال مەملەكەتتٸك قىزمەتكەرگە مەملەكەتتٸك تٸلدٸ بٸلمەگەن ۇيات ەكەنٸن جاقسى تٷسٸنەتٸنمٸن. سول سەبەپتٸ وقۋىمدى قازاق تٸلٸندە جالعاستىردىم. بۇل تۋرالى «ۇلى دالانىڭ ۇلتارالىق تٸلٸ» رەسپۋبليكالىق فورۋمىندا نۇر-سۇلتان قالاسى, مامانداندىرىلعان كٷزەت قىزمەتٸ باسقارماسىنىڭ پوليتسەيٸ ارمەن وگانەسيان ايتتى, دەپ حابارلايدى قازاقپارات.
«مەن 1993 جىلى 6 شٸلدە ٶزبەكستان رەسپۋبليكاسى جيزاق وبلىسىندا دٷنيەگە كەلدٸم. ۇلتىم – ارميان. ٶزبەك دوستارىممەن ارالاسىپ, ٶزبەك تٸلٸن تولىق مەڭگەردٸم. ٶز انا تٸلٸمدە دە جاقسى سٶيلەيمٸن. 14 جاسقا تولعاندا, ياعني 2007 جىلى وتباسىمىزبەن قىزىلوردا قالاسىنا كٶشٸپ كەلدٸك. ورىس مەكتەبٸنە قابىلداندىم. سىنىپتاستارىمنىڭ بارلىعى تٷرلٸ ۇلت ٶكٸلدەرٸ بولعانمەن, بارلىعى قازاقشا سٶيلەيتٸن. سولارعا قاراپ قاتتى قىزىعاتىنمىن. قازاقستاندا ٶسپەگەندٸكتەن, مەملەكەتتٸك تٸلدە مەن عانا سٶيلەمەيتٸن ەدٸم. سودان قاتتى نامىستانىپ, قايتسەم دە قازاق تٸلٸن ٷيرەنەمٸن دەپ شەشتٸم», - دەيدٸ ارمەن وگانەسيان.
ول دوستارى مەن كٶرشٸلەرٸنٸڭ ارقاسىندا قازاق تٸلٸن جەتٸك مەڭگەرگەن. مەكتەپ بٸتٸرگەننەن كەيٸن قىزىلوردا قالاسىنداعى زاڭ كوللەدجٸنە وقۋعا تٷسٸپ, وقۋىن قازاق تٸلٸندە جالعاستىرعان.
«مەن مەملەكەتتٸك قىزمەتتە جۇمىسقا كٸرەمٸن دەپ شەشتٸم. ال مەملەكەتتٸك قىزمەتكەرگە مەملەكەتتٸك تٸلدٸ بٸلمەگەن ۇيات ەكەنٸن جاقسى تٷسٸنەتٸنمٸن. سول سەبەپتٸ وقۋىمدى قازاق تٸلٸندە جالعاستىردىم. 2014 جىلى ٸشكٸ ٸستەر ورگاندارىنا جۇمىسقا ورنالاسۋ ٷشٸن نۇر-سۇلتان قالاسىنا كەلدٸم. 2015 جىلدان مامانداندىرىلعان كٷزەت قىزمەتٸ باسقارماسىندا جۇمىس اتقارىپ كەلەمٸن. 2016 جىلى جۇبايىم ديانامەن تانىستىم, ەكەۋمٸز بٸر سالادا قىزمەت اتقارامىز. 2018 جىلى ەكەۋمٸز وتباسىن قۇردىق. مەن دە قالىڭ قازاقتىڭ كٷيەۋ بالاسىمىن. مەدينا ەسٸمدٸ قىزىمىز بار. ەكە-شەشەممەن بٸرگە تۇرامىز, ەكەۋٸ دە زەينەتكەر. رۋسلان, ارتۋر ەسٸمدٸ ەكٸ اعام بار. ەكەۋٸدە قازاق قىزدارىنا ٷيلەنگەن. قازاقستانعا كٶشٸپ كەلگەنٸمٸزگە ەش ٶكٸنبەيمٸن. قازاق حالقىنا بٸزدٸ قۇشاق جايىپ قارسى العانى ٷشٸن العىسىم شەكسٸز», - دەيدٸ ول.
ول مەملەكەت باسشىسىنىڭ قازاق تٸلٸن جاقسى بٸلەتٸن ٶزگە ۇلت ٶكٸلدەرٸن قولداۋ تۋرالى تاپسىرماسى جاقسى جٷزەگە اسىپ جاتقانىن ايتتى.
«قازاقستان پرەزيدەنتٸنٸڭ «بٸز قازاق تٸلٸن جاقسى بٸلەتٸن ٶزگە ۇلت ٶكٸلدەرٸن قولداۋىمىز كەرەك. مۇنداي ازاماتتار قازاق تٸلٸنٸڭ دەڭگەيٸن ۇلتارالىق قاتىناس دەرەجەسٸنە كٶتەرۋگە كٶمەكتەسەدٸ» دەگەن تاپسىرماسى ٶز دەرەجەسٸندە ورىندالىپ جاتقانىن جەتكٸزگٸم كەلەدٸ. مەملەكەتتٸك تٸلدٸ بٸلۋدٸڭ ارقاسىندا جۇمىستا جاقسى جەتٸستٸكتەرگە قول جەتكٸزٸپ كەلەمٸن. سونداي-اق قازاق تٸلٸن ەركٸن مەڭگەرگەن جاستاردىڭ تٸزٸمٸن جاساپ, ولاردى مەملەكەتتٸك قىزمەتتٸڭ كادر رەزەرۆٸنە الۋ قاجەت دەپ ويلايمىن. ٶيتكەنٸ تٸلدٸ قۇرمەتتەۋ – سول ەلدٸ قۇرمەتتەۋ, مەملەكەتتٸ قۇرمەتتەۋ», - دەيدٸ ارمەن وگانەسيان.
