فوتو: قر ەم
جامبىل وبلىسىندا جىلىنا 25 مىڭ توننا ناتريي تسيانيدٸن ٶندٸرۋگە ارنالعان جاڭا حيمييا زاۋىتىنىڭ قۇرىلىسى باستالدى. بۇل ٶندٸرٸستٸك كەشەن ەلدەگٸ حيمييا جەنە قايتا ٶڭدەۋ ٶنەركەسٸبٸن دامىتۋداعى ماڭىزدى جوبالاردىڭ بٸرٸنە اينالماق. كەسٸپورىندى ٸسكە قوسۋ 2027 جىلدىڭ ناۋرىزىنا جوسپارلانعان, دەپ حابارلايدى Ult.kz.
«حيمپارك تاراز» ارنايى ەكونوميكالىق ايماعىندا سالىنىپ جاتقان زاۋىت ٸشكٸ نارىقتاعى سۇرانىستى تولىق قامتاماسىز ەتٸپ قانا قويماي, ەكسپورتتىق ەلەۋەتتٸ دە ارتتىرادى. كەسٸپورىن ٶنٸمٸن وتاندىق تۇتىنۋشىلاردان بٶلەك, ٶزبەكستان, قىرعىزستان, تەجٸكستان جەنە موڭعوليياعا جەتكٸزۋ كٶزدەلٸپ وتىر.
جوبانى جٷزەگە اسىرۋ ەلٸمٸزدٸڭ حيمييا سالاسىن ايتارلىقتاي نىعايتىپ, اممياك پەن كاۋستيكالىق سودا بويىنشا ٸشكٸ نارىقتى شامامەن 50 پايىزعا كەڭەيتۋگە مٷمكٸندٸك بەرەدٸ. سونىمەن قاتار, بۇل باستاما ٸلەسپە سالالاردىڭ دامۋىنا دا سەرپٸن بەرٸپ, جەرگٸلٸكتٸ قامتۋدىڭ ارتۋىنا ىقپال ەتەدٸ.
كەسٸپورىن ٸسكە قوسىلعان سوڭ 108 تۇراقتى جۇمىس ورنى اشىلادى, ال قۇرىلىس كەزەڭٸندە 200-گە جۋىق ادام ۋاقىتشا جۇمىسپەن قامتىلادى. جوبانىڭ ەكونوميكالىق ەسەرٸ دە ايقىن: جىل سايىن رەسپۋبليكالىق بيۋدجەتكە شامامەن 500 ملن تەڭگە كٶلەمٸندە سالىق تٷسەدٸ دەپ كٷتٸلۋدە.
ينۆەستيتسييالىق جوبانى «Altynalmas Reagents» جشس جٷزەگە اسىرىپ جاتىر. ونىڭ نەتيجەسٸندە قازاقستان مەن ورتالىق ازيياداعى تاۋ-كەن ٶندٸرۋ ٶنەركەسٸبٸنە قاجەتتٸ شيكٸزاتتى ٸشكٸ نارىقتان تۇراقتى تٷردە قامتاماسىز ەتەتٸن ٶندٸرٸستٸك تٸزبەك قالىپتاسپاق. ايتا كەتەيٸك, وسى سالادا ناتريي تسيانيدٸنە دەگەن سۇرانىس جىل سايىن ٶسٸپ كەلەدٸ.
قۇرىلىستى قارجىلاندىرۋدى «قازاقستاننىڭ دامۋ بانكٸ» اق, «بەيتەرەك» حولدينگٸنٸڭ ەنشٸلەس ۇيىمى قامتاماسىز ەتٸپ وتىر. بانك پەن جوبانى ٸسكە اسىرۋشى كومپانييا اراسىندا نەسيەلٸك جەلٸ تۋرالى كەلٸسٸمگە 2023 جىلدىڭ قىركٷيەك ايىندا قول قويىلعان. ال 2024 جىلدىڭ مامىرىندا العاشقى قارجىلاندىرۋ اشىلدى. بٶلٸنگەن قاراجات كٶلەمٸ – 98,8 ملن ەۋرو, بۇل جوبانىڭ جالپى قۇنىنىڭ 75 پايىزىنا تەڭ. قاراجات جوبالاۋدان باستاپ قۇرىلىس-مونتاج جەنە ٸسكە قوسۋ-رەتتەۋ جۇمىستارىنا دەيٸنگٸ بارلىق نەگٸزگٸ كەزەڭدەردٸ قامتيدى.
