قر پرەمەر-مينيسترٸ اسقار ماميننٸڭ تٶراعالىعىمەن ٶتكەن قر ٷكٸمەتٸنٸڭ وتىرىسىندا قارجى مينيسترٸ ەرۇلان جاماۋباەۆ 2020 جىلعى 5 ايداعى مەملەكەتتٸك بيۋدجەتتٸڭ اتقارىلۋى تۋرالى باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ە. جاماۋباەۆتىڭ مەلٸمەتٸنشە بيىلعى جىلعى بەس ايدىڭ قورىتىندىسى بويىنشا مەملەكەتتٸك بيۋدجەتكە 3 ترلن 420 ملرد تەڭگە كٶلەمٸندە كٸرٸس تٷسكەن نەمەسە جوسپار 102,9%-كە ورىندالدى.
رەسپۋبليكالىق بيۋدجەتكە 2 ترلن 111 ملرد تەڭگە كٸرٸس تٷستٸ نەمەسە جوسپار 94,4%-كە اتقارىلدى.
كٸرٸستەر بويىنشا جوسپار 125 ملرد. تەڭگەگە ورىندالمادى.
«جوسپاردىڭ ورىندالماۋىنا سىرتقى فاكتورلار اياسىندا تٶتەنشە جاعداي كەزەڭٸندە بيزنەستٸ قولداۋ بويىنشا قابىلدانعان شارالار ەسەر ەتۋدە», — دەدٸ ە. جاماۋباەۆ.
سالىق تٷسٸمدەرٸنٸڭ ازايۋى سەۋٸر ايىنان باستالىپ, بيىل مامىر ايىندا جالعاستى. «ەلەكتروندىق شوت-فاكتۋرالار» اقپاراتتىق جٷيەسٸ دەرەكتەرٸ بويىنشا كەسٸپكەرلٸك بەلسەندٸلٸكتٸڭ ەڭ كٶپ تٶمەندەۋٸ كٶتەرمە جەنە بٶلشەك ساۋداعا تيەسٸلٸ.
تاۋارلاردى ٶتكٸزۋ بويىنشا اينالىمدار 2019 جىلعى مامىرمەن سالىستىرعاندا 54%-عا نەمەسە 1,2 ترلن تەڭگەگە تٶمەندەگەن.
نەگٸزگٸ ەكسپورتتىق پوزيتسييالار بويىنشا باعالار 2019 جىلدىڭ 5 ايىمەن سالىستىرعاندا ورتا ەسەپپەن 16,4%-عا جەنە جىل باسىنان بەرٸ 13,2%-عا تٶمەندەدٸ. بۇل تاۋ-كەن ٶندٸرۋ سالاسىنان تٷسكەن سالىق تٷسٸمدەرٸنە ەسەر ەتتٸ.
شيكٸ مۇنايعا ەكسپورتتىق كەدەندٸك باج سالىعى بويىنشا (ەكب) جوسپار 4 ملرد تەڭگەگە ورىندالعان جوق. بۇل بيىل مامىر ايىندا بەلگٸلەنگەن «0» ەكسپورتتىق كەدەندٸك باج ستاۆكاسىمەن بايلانىستى, سەۋٸردە مۇنايدىڭ ورتاشا باعاسى باررەلٸنە 25 اقش دوللارىنان تٶمەن بولدى.
جەرگٸلٸكتٸ بيۋدجەتتەردٸڭ ٶز كٸرٸستەرٸ 120,4%-عا اتقارىلىپ, 1 ترلن 309 ملرد تەڭگەنٸ قۇرادى.
جوسپار 222 ملرد تەڭگەگە اسىرا ورىندالدى. ونىڭ ٸشٸندە 224 ملرد تەڭگە — سالىقتار ەسەبٸنەن. بارلىق ٶڭٸردە كٸرٸستەردٸڭ جوسپارى ارتىعىمەن ورىندالدى.
مەملەكەتتٸك بيۋدجەت شىعىستارى 97,9%-عا, رەسپۋبليكالىق بيۋدجەت 98,9%-عا, جەرگٸلٸكتٸ بيۋدجەتتەر 97,2%-عا اتقارىلدى. رەسپۋبليكالىق بيۋدجەتتٸڭ شىعىستارى 5 ترلن 620 ملرد تەڭگەنٸ قۇرادى. بيۋدجەت قاراجاتى 61 ملرد تەڭگەگە يگەرٸلمەدٸ.
«يگەرٸلمەۋدٸڭ نەگٸزگٸ سەبەپتەرٸ: كونكۋرستىق رەسٸمدەردٸ ۇزاق جەنە ۋاقتىلى ٶتكٸزبەۋ, ناقتى كٶرسەتٸلگەن قىزمەتتەر, اتقارىلعان جۇمىستار كٶلەمٸنە تٶلەۋ, شارت جاساسۋ رەسٸمدەرٸن ۇزاق جٷرگٸزۋ, تٶلەم بويىنشا قۇجاتتاردى ۇزاق مەرزٸمدٸ كەلٸسۋ», — دەپ تٷسٸندٸردٸ ە. جاماۋباەۆ.
جەرگٸلٸكتٸ بيۋدجەتتەردٸڭ شىعىستارى 2 ترلن 606 ملرد تەڭگەنٸ قۇرادى. يگەرٸلمەگەن قاراجات — 75 ملرد تەڭگە . بيىل ٶڭٸرلەرگە 2 ترلن 317 ملرد تەڭگە نىسانالى ترانسفەرتتەر قاراستىرىلعان.
الدىن الا دەرەكتەر بويىنشا ولارعا 671 ملرد تەڭگە بٶلٸندٸ. ونىڭ 96%-ى نەمەسە 643 ملرد تەڭگەسٸ يگەرٸلدٸ. ورىندالماۋ سوماسى 28 ملرد تەڭگەنٸ قۇرادى. ونىڭ 8 ملرد تەڭگەسٸ بيۋدجەت قاراجاتىن ٷنەمدەۋ بولسا, 20 ملرد تەڭگەسٸ يگەرٸلمەدٸ.
سونىمەن قاتار ە. جاماۋباەۆ ٶتكەن 5 ايدا كامەرالدىق باقىلاۋمەن جالپى سوماسى 6,5 ترلن تەڭگەگە 952 مىڭ مەملەكەتتٸك ساتىپ الۋ پروتسەدۋراسى قامتىعانىن ايتتى. تەكسەرۋ قورىتىندىسى بويىنشا 535 ملرد تەڭگەگە بۇزۋشىلىقتاردىڭ الدى الىندى. 746 اۋديتورلىق ٸس-شارا جٷرگٸزٸلدٸ. اۋديتپەن بيۋدجەت قاراجاتىنىڭ 494 ملرد تەڭگەسٸ قامتىلدى. نەتيجەسٸندە 101 ملرد تەڭگەگە قارجىلىق بۇزۋشىلىقتار انىقتالدى.
«تاۋارلار جەتكٸزۋ, قىزمەتتەر كٶرسەتۋ جەنە جۇمىستاردى ورىنداۋدى قالپىنا كەلتٸرۋ, بيۋدجەتكە ٶتەۋ جەنە ەسەپ بويىنشا كٶرسەتۋ جولىمەن بۇزۋشىلىقتاردىڭ 94 ملرد تەڭگەسٸ جويىلدى. جٷرگٸزٸلگەن اۋديتورلىق شارالاردىڭ نەتيجەلەرٸ بويىنشا اۋديت وبەكتٸلەرٸنٸڭ قىزمەتتەرٸن جەتٸلدٸرۋگە 675 ۇسىنىس بەرٸلدٸ. ولاردىڭ 548-ٸ ورىندالدى», — دەدٸ مينيستر.
2016-2020 جىلدارداعى كەشەندٸ جەكەشەلەندٸرۋ جوسپارىنىڭ ٸسكە اسىرىلۋى 93%-دى قۇرادى. 2020 جىلى 70 وبەكتٸنٸ ساتۋ جوسپارلانعان. ونىڭ 40-ى ساتىلۋعا قويىلدى. ەسەپتٸ كەزەڭدە 6 وبەكت 3,2 ملرد تەڭگەگە ساتىلدى. 34 وبەكت ساتىلىمعا شىعارىلدى. 4 وبەكت قايتا ۇيىمداستىرۋ جەنە تاراتۋعا جٸبەرٸلدٸ. 26 وبەكت جىلدىڭ اياعىنا دەيٸن ساتىلىمعا شىعارىلادى.
