فوتو: اقوردانىڭ باسپاسٶز قىزمەتٸ
بٸرقاتار ايماق ينفراقۇرىلىمدى جەنە بٷلٸنگەن ٷيلەردٸ قالپىنا كەلتٸرۋگە كٸرٸستٸ. بۇل تۋرالى مەملەكەت باسشىسى قاسىم-جومارت توقاەۆ «بٸرلٸك. جاسامپازدىق. ٶرلەۋ» تاقىرىبىمەن ٶتٸپ جاتقان قازاقستان حالقى اسسامبلەياسىنىڭ كەزەكتٸ حححٸٸٸ سەسسيياسىندا ايتتى.
«كەزٸندە بٸر عانا بٶگەننٸڭ بۇزىلۋى ٷلكەن قايعىلى وقيعاعا ەكەپ سوقتىرعانىن بٸلەسٸزدەر. مەن جاعدايدى باقىلاۋدا ۇستاۋ ٷشٸن بٸرقاتار ايماقتا بولدىم. تۇرعىندارمەن ارنايى كەزدەستٸم. ورتالىق جەنە جەرگٸلٸكتٸ مەملەكەتتٸك ورگاندار اپات سالدارىن جويۋعا بار كٷشٸن جۇمساپ جاتىر. جاعدايدىڭ ودان ەرٸ ۋشىعىپ كەتپەۋٸ – باستى نازاردا. قۇتقارۋشىلار كٷندٸز-تٷنٸ جۇمىس ٸستەپ جٷر. ۇلتتىق ۇلان, ٸشكٸ ٸستەر مينيسترلٸگٸ, قارۋلى كٷشتەر, ۇلتتىق قاۋٸپسٸزدٸك كوميتەتٸ, مەملەكەتتٸك كٷزەت قىزمەتٸنٸڭ جەكە قۇرامى دا بەلسەنە اتسالىسىپ جاتىر», - دەدٸ پرەزيدەنت.
مەملەكەت باسشىسى ٶزٸنٸڭ تاپسىرماسىمەن مەملەكەتتٸك ماتەريالدىق رەزەرۆتٸ پايدالانۋعا رۇقسات بەرٸلگەنٸن اتاپ ٶتتٸ. رەسپۋبليكالىق جەنە وبلىستىق جەدەل شتابتار جۇمىس ٸستەپ جاتقانىن, قوعام بەلسەندٸلەرٸ جەنە ۆولونتەرلەر گۋمانيتارلىق كٶمەك جيناۋدى قولعا العانىن اتاپ ٶتتٸ.
«حالقىمىزدىڭ ىنتىماعى مەن جوعارى ازاماتتىق جاۋاپكەرشٸلٸگٸ وسى كەزدە ايقىن كٶرٸندٸ. بٸرقاتار ايماقتار ينفراقۇرىلىمدى جەنە بٷلٸنگەن ٷيلەردٸ قالپىنا كەلتٸرۋگە كٸرٸسٸپ كەتتٸ. بۇل شارۋاعا ٸرٸ بيزنەس ٶكٸلدەرٸ قوسىلدى. قوعام بەلسەندٸلەرٸ دە زور ٷلەس قوسۋدا. ەلٸمٸزدەگٸ كومپانييالار, جەكە كەسٸپكەرلەر تٷرلٸ كٶمەك قورلارىنا قوماقتى قارجى اۋداردى. قاراجات كٷن سايىن تٷسٸپ جاتىر, كٶمەك قورى ۇلعايادى دەپ سەنەمٸن. كەسٸپكەرلەرگە زور العىس ايتامىن. بولاشاقتا دا حالقىمىزدىڭ يگٸلٸگٸ ٷشٸن بٸرگە جۇمىس ٸستەيمٸز دەپ سەنەمٸن», - دەدٸ قاسىم-جومارت توقاەۆ.
پرەزيدەنت جينالعان قاراجات ەلدٸ مەكەندەردٸ قالپىنا كەلتٸرۋگە جۇمسالاتىندىعىن ايتتى.
«سونداي-اق اپاتتىڭ كەسٸرٸنەن قيىن جاعدايعا تاپ بولعان ازاماتتارعا كٶمەك رەتٸندە بەرٸلەدٸ. ەشكٸم ەلەۋسٸز قالمايدى. مەملەكەت شىعىندى تٷگەل ٶتەيدٸ. تاسقىننىڭ زاردابىن جويۋ ٷشٸن بيۋدجەت شىعىستارى قىسقارتىلاتىن بولدى. مەملەكەت قارجىسىن قاتاڭ ٷنەمدەۋ رەجيمٸ ەنگٸزٸلەدٸ. ەرينە, ماڭداي تەرمەن تٸرنەكتەپ تاپقان دٷنيە-مٷلٸكتٸ بٸر سەتتە جوعالتۋ وڭاي ەمەس. مەن مۇنى تٷسٸنەمٸن. زارداپ شەككەن ازاماتتارعا تاعى دا ايتامىن: بٷكٸل حالىق – سٸزدەرمەن بٸرگە. كٶپ ۇزاماي بارشاڭىز قالىپتى ٶمٸرگە قايتا ورالاسىزدار. ول ٷشٸن مەملەكەت بەرٸن جاسايدى», - دەدٸ مەملەكەت باسشىسى.
