قازاقستاننىڭ بولاشاعى اۋىل شارۋاشىلىعىنىڭ دامۋىنا بايلانىستى بولادى. بۇل تۋرالى جەر رەفورماسى جٶنٸندەگٸ كوميسسييانىڭ 1-وتىرىسىندا سەنات دەپۋتاتى اقىلبەك كٷرٸشباەۆ ايتتى, دەپ حابارلايدى قازاقپارات.
«قازٸرگٸ ۋاقىتتا قازاقستان ەكونوميكاسى نەگٸزٸنەن جەراستى پايدالى قازبالاردىڭ ارقاسىندا دامۋدا. بٸراق, ولار بٸر كەزدەرٸ تاۋسىلاتىن, ياعني جاڭارتىلمايتىن تابيعي رەسۋرستار. سوندىقتان مەملەكەتٸمٸزدٸڭ بولاشاعى اۋىل شارۋاشىلىعىنىڭ دامۋىنا بايلانىستى بولادى. مٸنە, سوندا بولاشاق ۇرپاعىمىزعا اۋىل شارۋاشىلىعى ماقساتىنداعى جەرلەردٸ پايدالانۋ قولجەتٸمدٸ بولۋى كەرەك. ياعني, ٶزدەرٸنٸڭ اگرارلىق بيزنەسٸن دامىتۋ ٷشٸن جەر يەلەنۋشٸلەردەن نەمەسە لاتيفۋنديستەردەن ساتىپ الماي, تٸكەلەي مەملەكەتتەن الۋ مٷمكٸندٸگٸنە يە بولۋى قاجەت», - دەدٸ كوميسسييانىڭ بٸرٸنشٸ وتىرىسىندا سەناتور.
ونىڭ اتاپ ٶتۋٸنشە, بٷگٸندە اۋىل شارۋاشىلىعى ماقساتىنداعى جەرلەرگە جەكەمەنشٸكتٸڭ بولماۋى اگرارلىق سالاعا ينۆەستيتسييالار تارتۋدىڭ باستى تەجەگٸشٸ دەگەن پٸكٸر بار.
«شىنىندا دا, اگروٶنەركەسٸپ كەشەنگە ينۆەستيتسييالار تارتۋ جاعىنان بٸز ەلەمنٸڭ جەتەكشٸ اگرارلىق ەلدەرٸنەن كٶپ ارتا قالىپ وتىرمىز. اتاپ ايتقاندا, اۋىل شارۋاشىلىعىنداعى شەتەلدٸك ينۆەستيتسييالار كٶلەمٸ اۆسترالييادا 1 گەكتار ەگٸستٸككە شاققاندا 422 دوللاردى, كانادادا 80 دوللاردى قۇرايدى. ال قازاقستاندا 1 دوللارعا دا جەتپەيدٸ. ياعني, 400 ەسە از. شەتەلدەن ينۆەستيتسييا تارتۋدىڭ باستى شارتى اۋىل شارۋاشىلىعى ٶندٸرٸسٸنٸڭ تۇراقتىلىعى مەن جوعارى رەنتابەلدٸلٸگٸ بولىپ سانالادى. بۇل ەڭ الدىمەن مەملەكەتتٸڭ تيٸمدٸ اگرارلىق ساياساتى ەسەبٸنەن قالىپتاسادى. باسقاشا ايتقاندا, ەگەر بٸزدٸڭ شارۋاشىلىقتارىمىز شەتەلدٸك فەرمەرلەر سيياقتى ۇزاق جەنە ارزان كرەديتتەرمەن, مەملەكەتتٸك قولداۋدىڭ تيٸمدٸ شارالارىمەن, سۋبسيدييالارمەن, جەڭٸلدەتٸلگەن ساقتاندىرۋ جٷيەسٸمەن جەنە عىلىمي-تەحنولوگييالىق جەتٸستٸكتەرمەن قامتاماسىز ەتٸلسە, بٸزدٸڭ دە اگرارلىق سالامىز ينۆەستيتسييالىق سۇرانىستا بولار ەدٸ», - دەدٸ اقىلبەك كٷرٸشباەۆ.
