تۇتىنۋشىلار قۇقىعىن قورعاۋ كوميتەتٸ «بەك ەير» كومپانيياسىن تٶرتٸنشٸ رەت سوتقا بەردٸ, دەپ حابارلايدى "ۇلت اقپارات".
ساۋدا جەنە ينتەگراتسييا مينيسترلٸگٸنە قاراستى تۇتىنۋشىلار قۇقىعىن قورعاۋ كوميتەتٸنٸڭ قىزمەتكەرلەرٸ «بەك ەير» اۆياكومپانيياسى جاسالماعان رەيستەردٸڭ بيلەتتەرٸ ٷشٸن اقشالاي قاراجاتتاردى قايتارماعانى بويىنشا ازاماتتاردىڭ مٷددەلەرٸن قورعاۋ جۇمىستارىن جالعاستىرۋدا.
وسىعان بايلانىستى الماتى قالاسىنىڭ تٷركسٸب اۋدانىنىڭ سوتى تۇتىنۋشىلار قۇقىعىن قورعاۋ كوميتەتٸنٸڭ تٶرتٸنشٸ تالابىن قاراستىرىپ جاتىر.
ونىڭ تالابى - اۆياتاسىمالداۋشىدان قۇنى 5 ملن تەڭگەدەن اساتىن 147 بيلەتتٸ ساتىپ العان 86 جولاۋشىنىڭ قارجىسىن قايتارۋ.
ايتا كەتەر جايت, بۇدان بۇرىنعى ٷش تالاپتىڭ نەتيجەسٸ بويىنشا سوت شەشٸمدەرٸ مەكەمەنٸڭ جاعىندا بولدى. بٸراق كومپانييا بۇل شەشٸممەن كەلٸسپەي, اپەللياتسييالىق شاعىم بەرگەنٸمەن, سوت ٶز شەشٸمٸن ٶزگەرتپەدٸ.
تۇتىنۋشىلار قۇقىعىن قورعاۋ كوميتەتٸ اقشالاي قاراجاتتى قايتارۋ بويىنشا بارلىق شارانى قولدانادى.
