قازاقستان پرەزيدەنتٸ قاسىم-جومارت توقاەۆ «شەۆرون» كومپانيياسى ديرەكتورلار كەڭەسٸنٸڭ تٶراعاسى جەنە باس اتقارۋشى ديرەكتورى مايكل ۋيرتتٸ قابىلدادى, دەپ حابارلايدى اقوردا.
قاسىم-جومارت توقاەۆ بەينەبايلانىس فورماتىندا «شەۆرون» كومپانيياسى ديرەكتورلار كەڭەسٸنٸڭ تٶراعاسى جەنە باس اتقارۋشى ديرەكتورى مايكل ۋيرتپەن كەزدەسۋ ٶتكٸزدٸ.
كەزدەسۋ بارىسىندا «شەۆرون» كومپانيياسىنىڭ قازاقستانمەن اراداعى ٶزارا ٸس-قيمىلداردىڭ پەرسپەكتيۆاسى, ەلٸ جالعاسىپ جاتقان COVID-19 پاندەميياسى جاعدايىندا كٶمٸرسۋتەگٸ سەكتورىنداعى بٸرقاتار جوبانى ٸسكە اسىرۋ مەسەلەلەرٸ, سونداي-اق, ەلەمدٸك ەنەرگەتيكا نارىعىنىڭ احۋالى تالقىلاندى.
مەملەكەت باسشىسى «شەۆرون» كومپانيياسىمەن ىنتىماقتاستىقتى جەنە ونىڭ قازاقستان ەكونوميكاسىن دامىتۋعا قوسقان ٷلەسٸن جوعارى باعالادى.
«شەۆرون» كومپانيياسى تەڭٸز جەنە قاراشىعاناق مۇناي-گاز سەكتورىنداعى ٸرٸ جوبالاردى ٸسكە اسىرۋدا سەنٸمدٸ سەرٸكتەس رەتٸندە ەلٸمٸزدٸڭ ەنەرگەتيكا نارىعىندا ٶتە بەلسەندٸ قىزمەت اتقارۋدا. ٶكٸنٸشكە قاراي, كوروناۆيرۋس پاندەميياسى مۇناي جەنە گاز يندۋستريياسىنا كەرٸ ەسەرٸ ەتٸپ, مۇنايعا دەگەن سۇرانىس پەن ۇسىنىس اراسىنداعى تەپە تەڭدٸكتٸ بۇزدى جەنە ونىڭ باعاسىن تٶمەندەتتٸ», - دەدٸ قاسىم-جومارت توقاەۆ.
پرەزيدەنت 2022 جىلعا قاراي تەڭٸز كەن ورنىنداعى ٶندٸرٸس قۋاتىن كەڭەيتۋ جٶنٸندەگٸ جوبالاردى ۋاقىتىلى ٸسكە قوسۋ قازاقستان ٷشٸن ماڭىزدى ەكەنٸن ايتتى. مەملەكەت باسشىسى كومپانييانىڭ جوبانى ٸسكە اسىرۋ قىزمەتٸن قۇپتاپ, بٸرقاتار مٸندەتتەردٸڭ مەرزٸمٸنەن بۇرىن ورىندالىپ جاتقانىن اتاپ ٶتتٸ.
سونىمەن قاتار كوروناۆيرۋس پاندەميياسىنا قارسى ٸس-قيمىل مەسەلەلەرٸ تالقىلاندى. مەملەكەت باسشىسى كوروناۆيرۋس ينفەكتسيياسىن جاپپاي جۇقتىرۋدىڭ الدىن الۋ بويىنشا جوعارى دەڭگەيدە ٷيلەستٸرٸلگەن جۇمىسى جەنە سانيتارلىق-ەپيدەميولوگييالىق جاعدايدى تۇراقتاندىرعانى ٷشٸن «تەڭٸزشەۆرويل» كومپانيياسىنا ريزاشىلىعىن بٸلدٸردٸ. پرەزيدەنت قازاقستاننىڭ دەنساۋلىق ساقتاۋ مينيسترلٸگٸنە جالپى قۇنى 20 ميلليون اقش دوللارى بولاتىن مەديتسينالىق بۇيىمداردى, دەرٸ-دەرمەكتەر مەن قورعانىش قۇرالدارىن بەرگەنٸ, شەتەلدٸك دەرٸگەرلەر مەن ەپيدەميولوگتاردىڭ ەلٸمٸزگە كەلۋٸن ۇيىمداستىرعانى, سونداي-اق, قۇلسارى قالاسىندا 200 ورىندىق ينفەكتسييالىق اۋرۋحانا قۇرىلىسىن قارجىلاندىرعانى ٷشٸن مايكل ۋيرتكە العىس ايتتى.
بۇدان بٶلەك, قاسىم-جومارت توقاەۆ تەڭٸزدەگٸ جوبالاردى ٸسكە اسىرۋدا قازاقستاندىق ٷلەستٸ قامتاماسىز ەتۋدٸڭ ماڭىزدى ەكەنٸنە نازار اۋداردى. بۇل رەتتە, بٸرلەسكەن ينۆەستيتسييالىق جوبالاردى ٸسكە اسىرۋ بارىسىندا جەرگٸلٸكتٸ ٷلەس قورىن قۇرۋ جاعىن قاراستىرۋدى ۇسىندى.
مەملەكەت باسشىسى قاراشىعاناق مۇناي كەن ورنىن يگەرۋ مەسەلەلەرٸنە توقتالىپ, اتالعان جوبانى ۋاقىتىلى ٸسكە اسىرۋدى قامتاماسىز ەتۋ جەنە جىلىنا مۇناي ٶندٸرۋ كٶلەمٸن 10-11 ميلليون توننا مٶلشەرٸندە ۇستاپ تۇرۋ قاجەتتٸگٸن اتاپ ٶتتٸ.
مايكل ۋيرت 2019 جىلى قاسىم-جومارت توقاەۆپەن نۇر-سۇلتان جەنە نيۋ-يورك قالالارىندا ەڭگٸمەلەسكەن سەتتەرٸن ەسكە الىپ, كەزدەسۋگە تاعى دا مٷمكٸندٸك بەرگەنٸ ٷشٸن العىس ايتتى.
«بٸزدٸڭ كٶپ جىلعى ەرٸپتەستٸگٸمٸزدٸ جوعارى باعالايمىن. قازاقستان – بٸز ٷشٸن ەرەكشە ەل جەنە كومپانييامىزدىڭ جۇمىسىنداعى اسا ماڭىزدى باعىت. سوندىقتان بٸز قازاقستاننىڭ ەنەرگەتيكا سالاسىنداعى, اتاپ ايتقاندا, تەڭٸز جەنە قاراشىعاناق كەن ورىندارىنداعى ٶزارا ٸس-قيمىلداردى جالعاستىرۋعا نيەتتٸمٸز. قازاقستان – مۇناي-گاز رەسۋرستارى بار كەرەمەت ەل جەنە بٸز تٷرلٸ جوبالاردى ٸسكە اسىرۋدا ەلٸڭٸزدٸڭ سەنٸمدٸ سەرٸكتەسٸ بولعانىمىزعا قۋانىشتىمىز», – دەدٸ «شەۆرون» كومپانيياسىنىڭ اتقارۋشى ديرەكتورى.
