مەملەكەت باسشىسى قاسىم جومارت-توقاەۆ پورتۋگالييا رەسپۋبليكاسىنىڭ قايتا سايلانعان پرەزيدەنتٸ مارسەلۋ رەبەلۋ دە سوۋزانى قۇتتىقتادى, دەپ حابارلايدى اقوردا.
قاسىم جومارت-توقاەۆ قازاقستان حالقىنىڭ جەنە جەكە ٶز اتىنان مارسەلۋ رەبەلۋ دە سوۋزانى پورتۋگالييا رەسپۋبليكاسىنىڭ پرەزيدەنتٸ لاۋازىمىنا قايتا سايلانۋىمەن قۇتتىقتاپ, جەدەلحات جولدادى.
– سايلاۋداعى جەڭٸسٸڭٸز – حالقىڭىزدىڭ سٸزگە جەنە پورتۋگالييانىڭ ساياسي-ەكونوميكالىق تۇراقتىلىعى مەن ونىڭ حالىقارالىق بەدەلٸن نىعايتۋعا باعىتتالعان سارابدال ساياساتىڭىزعا دەگەن سەنٸمٸنٸڭ ايقىن دەلەلٸ ەكەنٸ سٶزسٸز. وسى تۇستا سٸزدٸڭ قاجىرلى ەڭبەگٸڭٸز ەلٸڭٸزدٸ بٷگٸنگٸدەن دە بيٸك بەلەستەر مەن تىڭ تابىستارعا جەتەلەي بەرۋٸنە تٸلەكتەستٸگٸمدٸ بٸلدٸرەمٸن. قازاقستان مەن پورتۋگالييا اراسىنداعى دەستٷرلٸ دوستىق پەن مازمۇندى ساياسي ديالوگتى, ەلەۋەتٸ جوعارى ساۋدا-ەكونوميكالىق جەنە مەدەني-گۋمانيتارلىق ىقپالداستىقتى ودان ەرٸ دامىتۋ ماقساتىندا سٸزبەن بٸرگە كٷش-جٸگەر جۇمىلدىراتىنىمىزعا سەنٸمٸم مول, – دەلٸنگەن جەدەلحاتتا.
سونىمەن قاتار پرەزيدەنت پورتۋگالييا رەسپۋبليكاسىنىڭ ەۋروپالىق وداق كەڭەسٸندەگٸ جاقىندا باستالعان تٶراعالىعىنا تولاعاي تابىس تٸلەپ, قازاقستان مەن ەو اراسىنداعى كەڭەيتٸلگەن سەرٸكتەستٸك پەن ىنتىماقتاستىق تۋرالى كەلٸسٸم نەگٸزٸندەگٸ جان-جاقتى بايلانىستاردىڭ ٶرٸستەي تٷسەتٸنٸنە زور ٷمٸت ارتاتىنىن اتاپ ٶتتٸ.
