بٷگٸن ٷكٸمەتتٸڭ كەڭەيتٸلگەن وتىرىسىندا قر پرەزيدەنتٸ نۇرسۇلتان نازارباەۆ مينيسترلەر مەن ەكٸمدەردٸ نە ٷشٸن سىناعانىن ايتتى, دەپ حابارلايدى قازاقپارات.
«وسىندا وتىرعان بارلىقتارىڭىزدى, ياعني ٷكٸمەت مٷشەلەرٸ مەن ەكٸمدەردٸ تاڭداپ وتىرىپ تاعايىندادىم. سٸزدەر باسقا مەملەكەتتٸك قىزمەتشٸلەردٸ تاعايىندادىڭىزدار. سوندىقتان بٸزدٸڭ بٸر-بٸرٸمٸزدٸڭ الدىمىزداعى جاۋاپكەرشٸلٸگٸمٸز بٸردەي. ەرقايسىڭدى مەن بٸلەمٸن. قانداي ەلەۋەتتەرٸڭ, بٸلٸمدەرٸڭ, تەجٸريبەلەرٸڭ بار ەكەنٸنەن حاباردارمىن. بٷگٸنگٸ ٷكٸمەت الدىندا قانداي ماقسات تۇرسا دا, ونى ٸستەي الادى. بٸراق ٶزٸن-ٶزٸ قامشىلاپ, جۇمىس ٸستەۋٸ تيٸس. كٷندٸز-تٷنٸ جۇمىستى ويلاۋ كەرەك», - دەپ توقتالدى ەلباسى.
وسى ورايدا پرەزيدەنت بٷگٸن وتىرىس بارىسىندا ايتىلعان سىننان مينيسترلەر مەن ەكٸمدەر ساباق الۋى قاجەتتٸگٸن قاداپ ايتتى.
«قازاقتا «ايتقاننىڭ اۋزى جامان, جىلاعاننىڭ كٶزٸ جامان» دەگەن سٶز بار. مەن سٸزدەردٸ رەنجٸتۋ ٷشٸن سىناعان جوقپىن. سٸزدەرگە سەنگەننەن كەيٸن وسىنىڭ بارلىعىن ايتىپ وتىرمىن. جۇمىس ٸستەۋ قولدارىڭنان كەلەدٸ. سوندىقتان بٷگٸنگٸ ايتىلعان مەسەلەلەر ماڭىزدى. ٷكٸمەت پەن ەكٸمدەر بٸرٸگٸپ, حالىقتىڭ ماقساتى ٷشٸن جۇمىس ٸستەپ, تابىسىن كٶتەرٸپ, ەل-اۋقاتىن جاقسارتۋى تيٸس», - دەدٸ نۇرسۇلتان نازارباەۆ.
ەلباسىنىڭ اتاپ ٶتۋٸنشە, ستراتەگييالىق مەملەكەتتٸك باعدارلامالار مەن باسقا دا مٸندەتتەر ساپالى ەرٸ تيٸمدٸ ورىندالۋى قاجەت. سەيكەسٸنشە, ٷكٸمەت وسى باعىتتاعى شارالاردى باستى نازارعا الۋى كەرەك.
ايتا كەتەيٸك, استانادا ٷكٸمەتتٸڭ كەڭەيتٸلگەن قۇرامداعى وتىرىسى ٶتٸپ جاتىر.
پرەزيدەنت بٸرقاتار سالاداعى تٷيٸتكٸلدٸ مەسەلەلەردٸ كٶتەردٸ. اتاپ ايتقاندا, بانك سالاسىنداعى بىلىقتار, كەلەشەگٸ جوق كومپانييالاردىڭ نەسيەلەندٸرٸلۋٸ, جىلىنا 60 مىڭ توننا ەت ەكسپورتتاۋ جوسپارىنىڭ ورىندالماۋى, جەڭٸل ٶنەركەسٸبٸ مەن اۋىل شارۋاشىلىعى سالالارىنداعى تولاسسىز يمپورت, كٶلەڭكەلٸ ەكونوميكامەن كٷرەستٸڭ ەلسٸزدٸگٸ جەنە تاعى دا باسقا مەسەلەلەر قوزعالدى.
