قاسىم-جومارت توقاەۆ اقمولا وبلىسىنا ساپارى بارىسىندا «ەڭ-دالا» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ اۋىل شارۋاشىلىعى القابىن ارالاپ كٶردٸ, دەپ حابارلايدى اقوردانىڭ رەسمي سايتى.
قازاقستان پرەزيدەنتٸنە اگروٶنەركەسٸپتٸڭ تەحنيكالىق جابدىقتالۋى مەن ٶنٸمدٸ ارتتىرۋعا بەيٸمدەلگەن جەر ٶڭدەۋ تەحنولوگييالارى, سونداي-اق, ا.باراەۆ اتىنداعى استىق شارۋاشىلىعى عىلىمي-ٶندٸرٸستٸك ورتالىعى ەزٸرلەگەن ەليتالىق تۇقىمدى پايدالانۋ جٶنٸندە مەلٸمەت بەرٸلدٸ.
اقمولا وبلىسىنىڭ ەكٸمٸ ەرمەك مارجىقپاەۆ مەملەكەت باسشىسىنا ايماقتاعى اگروٶنەركەسٸپ كەشەنٸ, ەگٸن جەنە مال شارۋاشىلىعىن دامىتۋ جوسپارى, سونداي-اق, ەلوردا تۇرعىندارىن ازىق-تٷلٸكپەن قامتاماسىز ەتۋ جۇمىستارى تۋرالى باياندادى.
اۋىل شارۋاشىلىعى مينيسترٸ ساپارحان وماروۆ قاسىم-جومارت توقاەۆقا ەلٸمٸزدەگٸ كٶكتەمگٸ ەگٸس جۇمىستارىنىڭ بارىسى جەنە وتاندىق اۋىل شارۋاشىلىعى ٶنٸمٸن ٶندٸرۋشٸلەردٸ قولداۋ ماقساتىندا قارجى بٶلۋ جٶنٸندەگٸ تاپسىرمالاردىڭ ورىندالۋى جايىندا ەسەپ بەردٸ.
قازاقستان پرەزيدەنتٸ مەملەكەت تاراپىنان اگرارلىق سەكتوردى دامىتۋعا باسا مەن بەرٸلٸپ وتىرعانىن اتاپ ٶتٸپ, اۋىل شارۋاشىلىعىنا ارنالعان جەرلەردٸ تيٸمدٸ پايدالانۋدىڭ ماڭىزدىلىعىن ايتتى.
