Qasym-Jomart Toqaev Aqmola oblysyna sapary barysynda «Eń-Dala» jaýapkershiligi shekteýli seriktestiginiń aýyl sharýashylyǵy alqabyn aralap kórdi, dep habarlaidy Aqordanyń resmi saity.
Qazaqstan Prezidentine agroónerkásiptiń tehnikalyq jabdyqtalýy men ónimdi arttyrýǵa beiimdelgen jer óńdeý tehnologiialary, sondai-aq, A.Baraev atyndaǵy astyq sharýashylyǵy ǵylymi-óndiristik ortalyǵy ázirlegen elitalyq tuqymdy paidalaný jóninde málimet berildi.
Aqmola oblysynyń ákimi Ermek Marjyqpaev Memleket basshysyna aimaqtaǵy agroónerkásip kesheni, egin jáne mal sharýashylyǵyn damytý jospary, sondai-aq, elorda turǵyndaryn azyq-túlikpen qamtamasyz etý jumystary týraly baiandady.
Aýyl sharýashylyǵy ministri Saparhan Omarov Qasym-Jomart Toqaevqa elimizdegi kóktemgi egis jumystarynyń barysy jáne otandyq aýyl sharýashylyǵy ónimin óndirýshilerdi qoldaý maqsatynda qarjy bólý jónindegi tapsyrmalardyń oryndalýy jaiynda esep berdi.
Qazaqstan Prezidenti memleket tarapynan agrarlyq sektordy damytýǵa basa mán berilip otyrǵanyn atap ótip, aýyl sharýashylyǵyna arnalǵan jerlerdi tiimdi paidalanýdyń mańyzdylyǵyn aitty.
