قازاقستان پرەزيدەنتٸ قاسىم-جومارت توقاەۆ حالىقارالىق ىنتىماقتاستىق جٶنٸندەگٸ ٶزٸنٸڭ جاڭادان تاعايىندالعان ارناۋلى ٶكٸلٸ ەرجان قازىحانوۆپەن كەزدەسۋ ٶتكٸزدٸ, دەپ حابارلايدى اقوردانىڭ رەسمي سايتى.
مەملەكەت باسشىسى پرەزيدەنت ەكٸمشٸلٸگٸنٸڭ قۇرىلىمىندا وسى جاڭا لاۋازىمنىڭ بەكٸتٸلۋٸ جاھاندىق جەنە ٶڭٸرلٸك كٷن تەرتٸبٸنٸڭ جىلدام ٶزگەرۋٸ كەزٸندە حالىقارالىق ىنتىماقتاستىق مەسەلەسٸنە ەل باسشىلىعى تاراپىنان ەرەكشە نازار اۋدارىلاتىنىن اتاپ ٶتتٸ.
پرەزيدەنت ارناۋلى ٶكٸل قىزمەتٸنٸڭ باستى باسىمدىقتارى رەتٸندە COVID-19 پاندەميياسىنىڭ اۋىر سالدارىن ەڭسەرۋ, ۇلتتىق ەكونوميكانى جەنە ەلەۋمەتتٸك سالانى جەدەل قالپىنا كەلتٸرۋ ماقساتىندا سىرتقى رەسۋرستاردى تارتۋ ٷشٸن شەتەلدٸك ەرٸپتەستەرمەن تىعىز بايلانىستاردى ارتتىرۋ قاجەتتٸگٸنە توقتالدى.
وسىعان بايلانىستى كەزدەسۋدە تسيفرلىق جەنە جاسىل تەحنولوگييالارعا باسا مەن بەرٸلٸپ, وزىق ينۆەستيتسييالىق جوبالاردى ٸسكە اسىرۋدا, كٶپجاقتى قارجى-ەكونوميكالىق ۇيىمدارمەن ىنتىماقتاستىقتى ارتتىرۋدا, دٷنيەجٷزٸلٸك ساۋدا ۇيىمى اياسىندا جاڭارتىلعان ەلەمدٸك ساۋدا ارحيتەكتۋراسىن قالىپتاستىرۋدا قازاقستاننىڭ بەلسەندٸ اتسالىسۋى قاجەت ەكەنٸنە نازار اۋدارىلدى.
سونىمەن قاتار ەرجان قازىحانوۆقا گۋمانيتارلىق سالا, كليمات ديپلوماتيياسى, سونداي-اق, قازاقستاننىڭ نەگٸزگٸ سىرتقى ساياسي باستامالارىن ٸلگەرٸلەتۋ سيياقتى حالىقارالىق ىنتىماقتاستىقتاعى ماڭىزدى مٸندەتتەر جٷكتەلدٸ.
جوعارىدا اتالعان مٸندەتتەردٸ ەسكەرە وتىرىپ, قاسىم-جومارت توقاەۆ «حالىق ٷنٸنە قۇلاق اساتىن مەملەكەت» تۇجىرىمداماسىن جٷزەگە اسىرۋ بارىسىندا وتاندىق جەنە شەتەلدٸك زەرتتەۋ ورتالىقتارىمەن, قازاقستاننىڭ ازاماتتىق قوعامىمەن كەرٸ بايلانىس ورناتۋدىڭ ماڭىزدىلىعىن اتاپ ٶتتٸ.
پرەزيدەنت سىرتقى ٸستەر مينيسترٸ, پرەزيدەنت كٶمەكشٸسٸ, بۇۇ جەنە ەقىۇ جانىنداعى قر تۇراقتى ٶكٸلٸ, اۆستريياداعى, ۇلىبريتانييا مەن اقش-تاعى ەلشٸ سيياقتى جاۋاپتى قىزمەتتەردەگٸ جۇمىس تەجٸريبەسٸ ە.قازىحانوۆقا ٶزٸنە جٷكتەلگەن جاڭا مٸندەتتەردٸ ابىرويمەن اتقارۋعا سەپتٸگٸن تيگٸزەتٸنٸنە سەنٸم بٸلدٸردٸ.
