قازاقستان پرەزيدەنتٸ يراننىڭ سىرتقى ٸستەر مينيسترٸ موحامماد دجاۆاد زاريفتٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى ەلورداعا ساپارمەن كەلگەن يران ديپلوماتىنا ٸلتيپات بٸلدٸرٸپ, ەكٸ ەل اراسىنداعى بايلانىستاردىڭ دوستىق سيپاتىن اتاپ ٶتتٸ.
– يران – قازاقستاننىڭ تاياۋ شىعىستاعى ماڭىزدى سەرٸكتەستەرٸنٸڭ بٸرٸ. زامان قالاي قۇبىلسا دا, ەلدەرٸمٸز اراسىنداعى جاقسى قارىم-قاتىناستار ٷزٸلگەن جوق. حالىقارالىق احۋال ٶزارا ىنتىماقتاستىعىمىزدىڭ دامۋىنا ەسەر ەتپەدٸ. بٸز بۇل جاعدايدى جوعارى باعالايمىز. وسى مٷمكٸندٸكتٸ پايدالانا وتىرىپ, يران پرەزيدەنتٸ حاسان رۋحانيعا جٷرەكجاردى سەلەمٸمدٸ جولدايمىن, – دەدٸ قاسىم-جومارت توقاەۆ.
ٶز كەزەگٸندە موحامماد دجاۆاد زاريف قازاقستان پرەزيدەنتٸنٸڭ قوناقجايلىق تانىتقانىنا العىس ايتىپ, نۇر-سۇلتان قالاسىنا تاعى دا كەلۋگە قۋانىشتى ەكەنٸن اتاپ ٶتتٸ.
سىرتقى ٸستەر مينيسترٸ يران پرەزيدەنتٸ حاسان رۋحانيدٸڭ سەلەمٸ مەن ناۋرىز مەرەكەسٸنە بايلانىستى قۇتتىقتاۋىن جەتكٸزدٸ. سونداي-اق حاسان رۋحانيدٸڭ قازاقستان پرەزيدەنتٸ قاسىم-جومارت توقاەۆتى ٶزٸنە ىڭعايلى ۋاقىتتا يرانعا رەسمي ساپارمەن كەلۋگە شاقىرعانىن ناقتىلادى.
– بٸز سٸزدٸڭ ەلٸڭٸزبەن اراداعى ىنتىماقتاستىقتىڭ دامۋىنا زور مەن بەرەمٸز. قازاقستان ٶڭٸردەگٸ جاقىن كٶرشٸلەرٸمٸزدٸڭ ەرٸ دوستاس مەملەكەتتەرٸمٸزدٸڭ بٸرٸ, – دەدٸ موحامماد دجاۆاد زاريف.
كەزدەسۋ بارىسىندا تاراپتار ەكٸجاقتى ىنتىماقتاستىقتى تالقىلاپ, ٶڭٸرلٸك جەنە جاھاندىق كٷن تەرتٸبٸندەگٸ ٶزەكتٸ مەسەلەلەر بويىنشا پٸكٸر الماستى.
