مەملەكەت باسشىسى فرانتسييا بيزنەسٸنٸڭ ٶكٸلدەرٸمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ ٶز سٶزٸندە فرانتسييا قازاقستاننىڭ ەۋروپالىق وداق اياسىنداعى نەگٸزگٸ سەرٸكتەسٸ ەكەنٸن جەنە ەلٸمٸزدٸڭ ەكٸجاقتى ىقپالداستىقتى دامىتۋعا باسا مەن بەرەتٸنٸن ايتتى.
– ەكٸ مەملەكەت اراسىنداعى ٶزارا قارىم-قاتىناستار تۇراقتى ەرٸ جوعارى دەڭگەيدە. بٸز فرانتسييا پرەزيدەنتٸ ەممانيۋەل ماكروننىڭ قازاقستانعا جاسايتىن الداعى ساپارى ەكٸجاقتى ىنتىماقتاستىقتى دامىتۋعا تىڭ سەرپٸن بەرەدٸ دەپ سانايمىز, – دەدٸ مەملەكەت باسشىسى.
قازٸرگٸ ۋاقىتتا قازاقستاندا فرانتسۋز كاپيتالىنىڭ قاتىسۋىمەن Orano, Alstom, Air Liquide, Airbus سيياقتى 160-تان استام ترانسۇلتتىق كومپانييا جۇمىس ٸستەيدٸ. 2018 جىلى ەلدەرٸمٸز اراسىنداعى تاۋار اينالىمى 32 پايىزعا ارتىپ, 4,5 ميلليارد دوللارعا جەتتٸ.
– مەن مۇنى جاقسى كٶرسەتكٸش دەپ ەسەپتەيمٸن. سوعان قاراماستان ونى جاقسارتۋعا ٷنەمٸ ۇمتىلۋىمىز كەرەك. بيىلعى كٶرسەتكٸشتەردە دە وڭ قارقىن بايقالادى. 9 ايدىڭ ٸشٸندە تاۋار اينالىمى 5,5 پايىزعا ٶسٸپ, 3,4 ميلليارد دوللارعا جەتتٸ. جالپى قازاقستان ەكونوميكاسىنا سالىنعان فرانتسۋز ينۆەستيتسيياسىنىڭ كٶلەمٸ 16 ميلليارد دوللارعا جۋىق, – دەدٸ پرەزيدەنت.
قاسىم-جومارت توقاەۆ قازاقستاندا تابىستى بيزنەس جٷرگٸزۋ ٷشٸن جاعداي جاسالعانىن اتاپ ٶتٸپ, بيزنەس-احۋالدى جاقسارتۋعا, كەدەرگٸلەردٸ ازايتۋعا جەنە ەلٸمٸزدٸڭ ينۆەستيتسييالىق تارتىمدىلىعىن جاقسارتۋعا باعىتتالعان جٷيەلٸ رەفورمالار جٷزەگە اسىرىلىپ جاتقانىن ايتتى.
پرەزيدەنت فرانتسۋز بيزنەسمەندەرٸنٸڭ نازارىن ەكٸ ەل اراسىنداعى ىنتىماقتاستىقتى نىعايتۋعا نەگٸزدەلگەن كٶپتەگەن باعىتتارعا اۋدارىپ, ولاردى اگروٶنەركەسٸپتٸك كەشەن جەنە ەكونوميكانىڭ باسقا دا سەكتورلارىنداعى بٸرلەسكەن جوبالاردى جٷزەگە اسىرۋ ٷشٸن سەرٸكتەس بولۋعا شاقىردى.
– قازاقستاننىڭ بەسەكەگە قابٸلەتتٸ اۋىل شارۋاشىلىعى ٶنٸمدەرٸن ٶندٸرۋدە مٷمكٸندٸگٸ زور. ەلٸمٸزدە 25 ميلليون گەكتار ەگٸستٸك پەن 186 ميلليون گەكتاردان استام جايىلىمدىق جەر بار. بۇل - وراسان زور رەسۋرس جەنە رەزەرۆ. گەوگرافييالىق تۇرعىدان بٸز ٷلكەن ەرٸ جوعارى تٶلەمقابٸلەتتٸلٸگٸ بار قىتاي, ەۋروپا, تاياۋ شىعىس جەنە يندييا نارىقتارىنا جاقىنبىز, – دەدٸ مەملەكەت باسشىسى.
قازاقستان پرەزيدەنتٸ ٶز سٶزٸندە يننوۆاتسييا, تسيفرلىق ەكونوميكا سالالارىنداعى ىنتىماقتاستىقتىڭ ماڭىزى زور ەكەنٸن اتاپ ٶتتٸ. قاسىم-جومارت توقاەۆ قارجى سەكتورىنداعى ٸس-قيمىلداردى كەڭەيتۋگە جەنە «استانا» حالىقارالىق قارجى ورتالىعىنىڭ جۇمىسىنا قاتىسۋعا شاقىردى.
– ەلٸمٸزدە نازارباەۆ ۋنيۆەرسيتەتٸ جەنە يننوۆاتسييالىق تەحنولوگييالار پاركٸ سەكٸلدٸ يننوۆاتسييالىق كلاستەرلەر جۇمىس ٸستەيدٸ. Astana Hub IT-ستارتاپتار حالىقارالىق تەحنوپاركٸ اشىلدى. بٸز قازاقستاندا فرانتسۋزدىق يننوۆاتسييالار مەن تەحنولوگييالاردى ەنگٸزۋ ٷشٸن مەيلٸنشە قولايلى جاعداي جاساۋعا دايىنبىز, – دەدٸ پرەزيدەنت.
كٶلٸك-ترانزيت ينفراقۇرىلىمىن دامىتۋ مەسەلەسٸنە توقتالعان مەملەكەت باسشىسى قازاقستان ارقىلى ازييا مەن ەۋروپانى جالعايتىن حالىقارالىق كٶلٸك دەلٸزٸ ٶتەتٸنٸن, قىتايدىڭ «بٸر بەلدەۋ, بٸر جول» جاھاندىق باستاماسىمەن ۇشتاساتىن «نۇرلى جول» باعدارلاماسىنىڭ جٷزەگە اسىرىلىپ جاتقانىن ايتتى. بۇدان بٶلەك كٶلٸكتٸك جەنە تۋريستٸك ەلەۋەتتٸ ارتتىرۋ ماقساتىندا ەلٸمٸزدٸڭ جەتەكشٸ ەۋەجايلارىندا «اشىق اسپان» جٷيەسٸ ەنگٸزٸلدٸ.
– مەن قازاقستاننىڭ اسپانى اشىق بولۋى كەرەك دەگەن شەشٸم قابىلدادىم. وسى جٷيە 11 ەۋەجايعا ەنگٸزٸلٸپ, بارلىق ەۋە كومپانييالارى اراسىندا, ونىڭ ٸشٸندە قازاقستاندىقتار دا بار, تيٸستٸ بەسەكەلەستٸك ۇيىمداستىرىلادى. بۇل جولاۋشىلار تاسىمالى تۇرعىسىنان عانا ەمەس, سونداي-اق, قازاقستان مەن ەۋروپا اراسىندا جٷك تاسىمالىن ۇيىمداستىراتىن ەلٸمٸزدٸڭ اۆياتسييالىق مٷمكٸندٸكتەرٸنە وڭ ىقپال ەتەدٸ, – دەدٸ قاسىم-جومارت توقاەۆ.
پرەزيدەنت فرانتسييانىڭ تۋريزم سالاسىنداعى تابىستى تەجٸريبەسٸن زەرتتەۋگە جەنە ەنگٸزۋگە ەلٸمٸزدٸڭ مٷددەلٸلٸگٸن اتاپ ٶتٸپ, قازاقستاننىڭ فرانتسييالىق تۋريستەردٸ قابىلداۋعا دايىن ەكەنٸن مەلٸمدەدٸ.
قازاقستان-فرانتسۋز ٸسكەرلٸك كەڭەسٸنٸڭ تەڭ تٶراعاسى يۆ-لۋي دارريكاررەر ينۆەستورلاردىڭ بٸرلەسكەن جوبالاردى دامىتۋعا نيەتتٸ ەكەنٸن جەتكٸزدٸ.
– مەن فرانتسۋز كومپانييالارىنىڭ قازاقستاننىڭ كەسٸپورىندارىمەن ۇزاق مەرزٸمگە نەگٸزدەلگەن ىنتىماقتاستىقتى دامىتۋعا نيەتتٸ ەكەنٸن ايتقىم كەلەدٸ. ولار قوسىمشا جوبالاردى دامىتۋعا ٷمٸتتٸ جەنە قازاقستاندىق بيلٸكپەن جۇمىس ٸستەۋگە ەزٸر, – دەدٸ يۆ-لۋي دارريكاررەر.
كەزدەسۋ بارىسىندا قازاقستانداعى Total كومپانيياسىنىڭ باسشىسى الەم فريگا-نوي, Air Liquide كومپانيياسىنىڭ ۆيتسە-پرەزيدەنتٸ فيليپپ كريستودولۋ, Alstom كومپانيياسىنىڭ تاياۋ شىعىس ەلدەرٸ بويىنشا اعا ۆيتسە-پرەزيدەنتٸ ديدە فلەجەر, Renault كەسٸپورنىنىڭ اعا ۆيتسە-پرەزيدەنتٸ نيكوليا مور, Idemia كومپانيياسىنىڭ اعا ۆيتسە-پرەزيدەنتٸ يزابەل لوزون, Orano mining كومپانيياسىنىڭ باس ديرەكتورى نيكوليا ماەس, Vicat كومپانيياسىنىڭ ايماقتىق ديرەكتورى پەترو كالا جەنە باسقا دا فرانتسۋز بيزنەسٸنٸڭ ٶكٸلدەرٸ سٶز سٶيلەدٸ.
كەزدەسۋ سوڭىندا قاسىم-جومارت توقاەۆ وسى ٸس-شارانىڭ قازاقستان مەن فرانتسييا اراسىنداعى بايلانىستاردى نىعايتۋعا سەپتٸگٸن تيگٸزەتٸنٸنە, ٶزارا تيٸمدٸ جاڭا جوبالاردىڭ باستاۋى بولاتىنىنا سەنٸم بٸلدٸردٸ.
