نۇرسۇلتان نازارباەۆ بٸرٸككەن اراب ەمٸرلٸكتەرٸنە جۇمىس ساپارى اياسىندا دۋباي حالىقارالىق قارجى ورتالىعى (DIFC) باسشىلىعىمەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى كەزدەسۋ بارىسىندا DIFC قىزمەتٸمەن جەنە ورتالىقتىڭ بۇدان ەرٸ قاراي دامۋ پەرسپەكتيۆاسىمەن تانىستى.
قازاقستان پرەزيدەنتٸنە دۋباي حالىقارالىق قارجى ورتالىعى قۇرىلعان كەزەڭنەن بەرٸ ونىڭ دۋباي قالاسىنىڭ ٸشكٸ جالپى ٶنٸمٸنە قوسقان ٷلەسٸ 8%-عا جەتكەنٸ تۋرالى مەلٸمەت بەرٸلدٸ.
نۇرسۇلتان نازارباەۆ استانا حالىقارالىق قارجى ورتالىعىنىڭ جۇمىسىن ۇيىمداستىرۋ بارىسىندا بٸزدٸڭ ەلٸمٸز بٸرٸككەن اراب ەمٸرلٸكتەرٸنٸڭ تەجٸريبەسٸن زەرتتەپ, قولدانىپ وتىرعانىن اتاپ ٶتتٸ. سونداي-اق, ورتالىقتىڭ جۇمىسىن ودان ەرٸ تيٸمدٸ جٷرگٸزۋ ماقساتىمەن بٸرقاتار شارالار ٸسكە اسىرىلعانىن ايتتى.
قازاقستان پرەزيدەنتٸ استانا ورتالىعى بازاسىندا قۇرىلاتىن ەۋرازييا ايماعىنداعى جەتەكشٸ قارجى قۇرىلىمى رەتٸندە استانا حالىقارالىق قارجى ورتالىعىن دامىتۋ جٶنٸندەگٸ ٶز ويلارىن ورتاعا سالدى.
كەلٸسسٶز سوڭىندا تاراپتار ەكٸجاقتى ىنتىماقتاستىقتىڭ نەتيجەلەرٸ مەن ودان ەرٸ دامۋ پەرسپەكتيۆالارىن تالقىلادى.
