Nursultan Nazarbaev Birikken Arab Ámirlikterine jumys sapary aiasynda Dýbai halyqaralyq qarjy ortalyǵy (DIFC) basshylyǵymen kezdesti, - dep habarlaidy "Ult aqparat" Aqordaǵa silteme jasap.
Memleket basshysy kezdesý barysynda DIFC qyzmetimen jáne ortalyqtyń budan ári qarai damý perspektivasymen tanysty.
Qazaqstan Prezidentine Dýbai halyqaralyq qarjy ortalyǵy qurylǵan kezeńnen beri onyń Dýbai qalasynyń ishki jalpy ónimine qosqan úlesi 8%-ǵa jetkeni týraly málimet berildi.
Nursultan Nazarbaev Astana halyqaralyq qarjy ortalyǵynyń jumysyn uiymdastyrý barysynda bizdiń elimiz Birikken Arab Ámirlikteriniń tájiribesin zerttep, qoldanyp otyrǵanyn atap ótti. Sondai-aq, ortalyqtyń jumysyn odan ári tiimdi júrgizý maqsatymen birqatar sharalar iske asyrylǵanyn aitty.
Qazaqstan Prezidenti Astana ortalyǵy bazasynda qurylatyn Eýraziia aimaǵyndaǵy jetekshi qarjy qurylymy retinde Astana halyqaralyq qarjy ortalyǵyn damytý jónindegi óz oilaryn ortaǵa saldy.
Kelissóz sońynda taraptar ekijaqty yntymaqtastyqtyń nátijeleri men odan ári damý perspektivalaryn talqylady.
