ەلەكتروندى فورماتتىڭ قارقىندى دامىپ جاتقانىنا قاراماستان دەستٷرلٸ كٸتاپحانانىڭ اعارتۋشىلىق رٶلٸ ەشقاشان مەنٸن جوعالتپايدى. بۇل تۋرالى ۇلتتىق قوعامدىق سەنٸم كەڭەسٸنٸڭ 4-وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«جاقىندا ەلەۋمەتتٸك جەلٸدە ەلٸمٸزدەگٸ كٸتاپحانالاردىڭ رٶلٸ تۋرالى قوعام نازارىن اۋدارتقان پٸكٸرتالاس بولدى. شىندىعىنا كەلگەندە بۇل مەسەلەنٸڭ مەن-جايى بارشاعا تٷسٸنٸكتٸ بولۋعا تيٸس. بٷگٸنگٸ زاماندا كٸتاپسىز, سونداي-اق كٸتاپحاناسىز ادامنىڭ ويداعىداي دامۋى مٷمكٸن ەمەس. بٷكٸل ەلەمدەگٸ كٸتاپحانالار - بٸلٸم مەن مەدەنيەتتٸڭ وشاعى, جاڭا ويلار مەن تىڭ پٸكٸرلەردٸڭ مەكەنٸ. ەلەكتروندى فورماتتىڭ قارقىندى دامىپ جاتقانىنا قاراماستان دەستٷرٸ كٸتاپحانانىڭ اعارتۋشىلىق رٶلٸ ەشقاشان مەنٸن جوعالتپايدى», - دەدٸ مەملەكەت باسشىسى.
سوندىقتان دا قازاقستان پرەزيدەنتٸ جالپى كٸتاپحانالاردىڭ جٷيەسٸ مەن جۇمىسىن ۇيىمداستىرۋعا جاڭاشا كٶزقاراسپەن قاراۋ قاجەتتٸگٸن باسا ايتتى.
«بۇل رەتتە وسى سالاداعى زاماناۋي ٷردٸستەردٸ ەسكەرگەنٸمٸز جٶن. مىسالى, مەن الماتى قالاسىنداعى كٸتاپحانالاردى جاڭعىرتۋعا ارنالعان وسىنداي ۇتىمدى جوبالار بار ەكەنٸن بٸلەمٸن. جاقىندا كەڭەس مٷشەسٸ راۋان كەنجەحانۇلى دا ماعان اۋىل مەكتەپتەرٸن جەنە كٸتاپحانالاردى جاڭعىرتۋ جٶنٸندەگٸ جوباسىن كٶرسەتتٸ»,- دەدٸ قاسىم-جومارت توقاەۆ.
