مەملەكەت باسشىسى بۇۇ-نىڭ 8-شٸ باس حاتشىسى, بواو ازييا فورۋمىنىڭ تٶراعاسى, جاھاندىق جاسىل دامۋ ينستيتۋتى (GGGI) اسسامبلەياسىنىڭ پرەزيدەنتٸ پان گي مۋنمەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردا باسپاسٶز-قىزمەتٸنە سٸلتەمە جاساپ.
قازاقستان پرەزيدەنتٸ بواو فورۋمىنا قاتىسۋعا شاقىرعانى ٷشٸن پان گي مۋنعا ريزاشىلىعىن بٸلدٸرٸپ, ونىڭ بۇۇ باس حاتشىسى قىزمەتٸن اتقارعان كەزدە ەلەمدٸك قاۋىمداستىققا ەلەۋلٸ ەڭبەك سٸڭٸرگەنٸن اتاپ ٶتتٸ.
"مەنٸڭ پٸكٸرٸمشە, سٸز بٸرٸككەن ۇلتتار ۇيىمى تاريحىنداعى ەڭ ٷزدٸك باس حاتشىلاردىڭ بٸرٸ رەتٸندە قىزمەت ەتتٸڭٸز. ەكٸ جارىم جىل سٸزدٸڭ جەتەكشٸلٸگٸڭٸزبەن جۇمىس ٸستەۋ مەن ٷشٸن كەرەمەت كەزەڭ ەرٸ زور مەرتەبە بولدى", – دەدٸ پرەزيدەنت.
پان گي مۋن قاسىم-جومارت توقاەۆتىڭ حالىقارالىق ىنتىماقتاستىقتى دامىتۋعا ەلەۋلٸ ٷلەس قوسقانىن ايتتى.
"سٸز قازاقستان پرەزيدەنتٸ رەتٸندە ٶڭٸردەگٸ بەيبٸتشٸلٸك پەن كەلٸسٸمدٸ ساقتاۋعا, ادامزات پەن بۇۇ-نىڭ مٷمكٸندٸكتەرٸن كەڭەيتۋگە بەلسەندٸ اتسالىسىپ كەلەسٸز. مەنٸڭ ويىمشا, قازاقستان شىعىس پەن باتىس اراسىنداعى اسا ماڭىزدى كٶپٸر رٶلٸن اتقارىپ وتىر. سٸز شىعىس پەن باتىستىڭ احۋالىن جاقسى تٷسٸنەسٸز. بۇل رەتتە تەجٸريبەڭٸز مول", – دەدٸ كورەيا ديپلوماتى.
كەزدەسۋدە حالىقارالىق كٷن تەرتٸبٸندەگٸ ٶزەكتٸ مەسەلەلەر, ونىڭ ٸشٸندە بۇۇ-نىڭ جاھاندىق سىن-قاتەرلەردٸ تيٸمدٸ ەڭسەرۋدەگٸ رٶلٸ تالقىلاندى.
مەملەكەت باسشىسى قازاقستاننىڭ حالىقارالىق باستامالارىنا دا توقتالدى. باس اسسامبلەيانىڭ 79-شى سەسسيياسى اياسىندا قازاقستان فرانتسييامەن بٸرلەسٸپ, One Water سامميتٸن ٶتكٸزۋدٸ جوسپارلاپ وتىر. سونىمەن قاتار استانادا 2026 جىلى ٶڭٸرلٸك كليماتتىق سامميت ۇيىمداستىرىلادى.
قاسىم-جومارت توقاەۆ پان گي مۋندى الداعى استانا حالىقارالىق فورۋمىنا باس سپيكەرلەردٸڭ بٸرٸ رەتٸندە قاتىسۋعا شاقىردى.
