مەملەكەت باسشىسى نۇرسۇلتان نازارباەۆ باس پروكۋرور جاقىپ اسانوۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا ج.اسانوۆ نۇرسۇلتان نازارباەۆقا قۇقىق قورعاۋ ورگاندارىنىڭ 2016 جىلعى قىزمەتٸنٸڭ قورىتىندىلارى جەنە الداعى كەزەڭگە ارنالعان جۇمىس جوسپارى تۋرالى باياندادى.
قازاقستان پرەزيدەنتٸ ەلدەگٸ قوعامدىق قاۋٸپسٸزدٸك احۋالىن جاقسارتۋعا باعىتتالعان رەفورمالاردىڭ ماڭىزدىلىعىن اتاپ ٶتتٸ.
– وسى جىلدار ٸشٸندە بٸز بارلىق سالادا رەفورما جاساپ كەلەمٸز. ەل تەۋەلسٸزدٸگٸنٸڭ 25 جىلدىعىنىڭ قورىتىندىسى بويىنشا ەكونوميكالىق ٶسٸم جەنە تۇرعىنداردىڭ ەل-اۋقاتى ارتقانىن بايقايمىز. الايدا, قۇقىق قورعاۋ ورگاندارى قىزمەتٸنٸڭ مەسەلەلەرٸ ەشقاشان ٶزەكتٸلٸگٸن جوعالتقان ەمەس. بٸز تيٸستٸ شارالار قابىلداپ, زاڭنامالارعا ٶزگەرٸستەر ەنگٸزۋدەمٸز, – دەدٸ ەلباسى.
مەملەكەت باسشىسى بۇرىنعى كەزدە تٸركەلگەن قىلمىستار سانى الدىڭعى جىلعى كٶرسەتكٸشتەن كٶپ بولسا, قۇقىق قورعاۋ ورگاندارى جازالانىپ وتىرعانىن ايتتى.
– جازادان قاشىپ, مەلٸمەتتەردٸ جاسىرعان نەمەسە ٶزگەرتكەن جايتتار كەزدەسٸپ جاتاتىن. ال قازٸر فاكتٸلەر مٸندەتتٸ تٷردە تٸركەلۋٸ تيٸس, – دەدٸ نۇرسۇلتان نازارباەۆ.
قازاقستان پرەزيدەنتٸنە ٷكٸمەتتٸڭ كەڭەيتٸلگەن وتىرىسىندا بەرٸلگەن تاپسىرمالاردى ورىنداۋ بارىسىندا بيزنەس ٶكٸلدەرٸنە جٷرگٸزٸلەتٸن تەكسەرٸستەر سانىن ازايتۋ ماقساتىمەن قابىلدانعان شارالار تۋرالى ايتىلدى. بۇدان بٶلەك, باس پروكۋرور قۇقىق قورعاۋ سالاسىنداعى مەملەكەتارالىق قارىم-قاتىناستاردى نىعايتۋ, ەكونوميكالىق قۇقىق بۇزۋ جايتتارىمەن كٷرەسۋ ٷشٸن كادرلار دايارلاۋ جٶنٸندە جٷرگٸزٸلٸپ جاتقان ٸس-شارالاردى اتاپ ٶتتٸ.
ج.اسانوۆتىڭ ايتۋى بويىنشا, بەس ينستيتۋتسيونالدىق رەفورمانى جەنە قازاقستان پرەزيدەنتٸنٸڭ «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك» اتتى جولداۋىن ٸسكە اسىرۋ بارىسىندا قازٸرگٸ ۋاقىتتا پروكۋراتۋرا ورگاندارى الدىنا قويىلعان مٸندەتتەردٸ ورىنداۋ, اتاپ ايتقاندا, ەكٸمشٸلٸك جەنە قىلمىستىق ٷدەرٸستەردٸ ەلەكتروندىق-تسيفرلىق فورماتقا كٶشٸرۋ, سونداي-اق جەكەلەگەن جوبالاردى ٸسكە اسىرۋ ٷشٸن بارلىق قاجەتتٸ شارالار قابىلدانۋدا.
– قوعامدىق قاۋٸپسٸزدٸكتٸ جاقسارتۋدىڭ تاعى بٸر ينديكاتورى – باس بوستاندىعىنان ايىرىلعاندار سانى. قازاقستاندا ولاردىڭ سانى 90-شى جىلداردىڭ باسىندا 100 مىڭعا جۋىق ەدٸ, بٷگٸندە باس بوستاندىعىنان ايىرۋ ورىندارىندا ودان ٷش ەسە تٶمەن – 36 مىڭ ادام وتىر, – دەدٸ باس پروكۋرور.
سوڭىندا مەملەكەت باسشىسى ەل زاڭناماسى نورمالارىنىڭ ساقتالۋىن باقىلايتىن ورگان رەتٸندە پروكۋراتۋرانىڭ ايرىقشا رٶلٸن اتاپ ٶتٸپ, بەس ينستيتۋتسيونالدىق رەفورما مەن قازاقستان حالقىنا جولداۋدىڭ ٸسكە اسىرىلۋ بارىسىن قاتاڭ باقىلاۋ قاجەتتٸگٸن ايتتى.
ەلباسى كەزدەسۋ قورىتىندىسى بويىنشا بٸرقاتار ناقتى تاپسىرما بەردٸ.
ۇلت پورتالى
