مەملەكەت باسشىسى ەنشٸ تولقىن زابيروۆانى مەرەيتويىمەن قۇتتىقتادى

فوتو: قر مام

ەلورداداعى بەيبٸتشٸلٸك جەنە كەلٸسٸم سارايىندا قازاقستاننىڭ ەڭبەك سٸڭٸرگەن قايراتكەرٸ, تانىمال ەسترادا جەنە وپەرا ەنشٸسٸ تولقىن زابيروۆانىڭ «ٶمٸرگە عاشىقپىن» اتتى مەرەيتويلىق كونتسەرتٸ ٶتتٸ, دەپ حابارلايدى Ult.kz.

سالتاناتتى كەشكە قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا قاتىستى. مينيستر مەملەكەت باسشىسى قاسىم-جومارت توقاەۆتىڭ قۇتتىقتاۋىن جەتكٸزدٸ.

پرەزيدەنت ٶز قۇتتىقتاۋىندا ەنشٸنٸ وتاندىق ٶنەردٸڭ ەڭ جارقىن ٶكٸلدەرٸنٸڭ بٸرٸ, ەرەكشە داۋىس يەسٸ رەتٸندە اتاپ ٶتتٸ.

«سٸز ەيگٸلٸ وتاندىق جەنە ەلەمدٸك وپەرالىق تۋىندىلار مەن ليريكالىق ەندەردٸ شەبەر ورىنداپ, كٶرەرمەننٸڭ ىستىق ىقىلاسىنا بٶلەنٸپ جٷرسٸز. ەرەكشە تابيعي دارىنىڭىز جەنە تىنىمسىز ەڭبەگٸڭٸز ارقىلى ەلٸمٸزدٸڭ مەدەني-رۋحاني بايلىعىنىڭ ٶرٸسٸن كەڭەيتۋگە قوسقان ٷلەسٸڭٸز ٶتە مول. كەمەل بٸلٸمٸڭٸز بەن بويىڭىزداعى اسىل قاسيەتتەرٸڭٸزبەن زامانداستارىمىزدىڭ ورتاسىندا سىي-قۇرمەتكە بٶلەنٸپ جٷرسٸز», – دەلٸنگەن مەملەكەت باسشىسىنىڭ قۇتتىقتاۋ حاتىندا.

تولقىن زابيروۆا – كٶركەمدٸك تالعامى مەن كەسٸبي بٸلٸكتٸلٸگٸ جوعارى ٶنەر يەسٸ.

اتالمىش كونتسەرتتە ەنشٸنٸڭ ەڭ ٷزدٸك اۆتورلىق, زاماناۋي جەنە ەلەمدٸك حيت ەندەر ورىندالدى. اتاپ ايتساق, «ۆەچنايا ليۋبوۆ», «Adagio», «Per Amore, Per te», «قارا, ماعان قارا», «ٶمٸرگە عاشىقپىن», «سەن ٷشٸن», «بۇلبۇل ەنٸ», «جٷرەك (Cover Show)», «ساعىنا بەرەمٸن (Cover Show)» جەنە باسقا دا تۋىندىلار شىرقالدى.
2024 جىلى تولقىن زابيروۆا «پاراسات» وردەنٸمەن ماراپاتتالدى.