وقۋ-اعارتۋ مينيسترلٸگٸ وقۋ جىلىن ۇزارتۋعا ارنالعان بۇيرىق جوباسىن ەزٸرلەدٸ. قۇجات "اشىق نقا" پورتالىندا قوعامدىق تالقىلاۋعا شىعارىلدى, دەپ حابارلايدى "ۇلت اقپارات".
قۇجاتقا سەيكەس, 1-سىنىپتاردا وقۋ جىلىنىڭ ۇزاقتىعى 35 اپتا بولسا, 2-11 (12)-سىنىپتاردا 36 وقۋ اپتاسى بولماق.
الداعى وقۋ جىلىندا بارلىق سىنىپقا مىناداي كانيكۋل كەزەڭٸن بەلگٸلەۋ ۇسىنىلادى:
- كٷزگٸ كانيكۋل – 7 كٷن (2022 جىلدىڭ 31 قازانىنان 6 قاراشاسىن قوسا العاندا);
- قىسقى كانيكۋل – 9 كٷن (2022 جىلعى 31 جەلتوقساننان 2023 جىلعى 8 قاڭتاردى قوسا العاندا);
- كٶكتەمگٸ كانيكۋل – 9 كٷن (2023 جىلعى 18-26 ناۋرىزدى قوسا العاندا).
1-سىنىپ وقۋشىلارى ٷشٸن دە قوسىمشا جەتٸ كٷندٸك كانيكۋل ەنگٸزٸلەدٸ, بۇل 2023 جىلعى 6 اقپان مەن 12 اقپاندى قوسا العاندا.
"بۇيرىق جوباسى ورتا بٸلٸم بەرۋ ۇيىمدارىندا 2022 – 2023 وقۋ جىلىنىڭ باستالۋىن, ۇزاقتىعىن جەنە كانيكۋل كەزەڭٸن ايقىندايدى.
قوسىمشا ەكٸ وقۋ اپتاسىن قوسۋ ارقىلى وقۋ جىلىنىڭ ۇزاقتىعىن ۇلعايتۋ بٸر كٷندەگٸ ساباقتار سانىن قىسقارتۋعا, بەس كٷندٸك وقۋ اپتاسىن ٸسكە اسىرۋعا, «كٷردەلٸ» تاقىرىپتاردى زەردەلەۋ قارقىندىلىعىن تٶمەندەتۋگە, بٸلٸم بەرۋ پروتسەسٸن دامىتا وقىتۋ قاعيداتتارىندا ۇيىمداستىرۋعا مٷمكٸندٸك بەرەدٸ", - دەلٸنگەن حابارلامادا.
