بٸلٸم جەنە عىلىم مينيسترٸ اسحات ايماعامبەتوۆ مەكتەپتەردە ۇيىمداستىرىلاتىن اقىلى وليمپيادالارعا قاتىستى پٸكٸر بٸلدٸردٸ, دەپ حابارلايدى Tengrinews.kz.
الدىمەن مينيستر ەلٸمٸزدە مۇنداي مەسەلە بارىن اشىق ايتتى.
"قازٸر وليمپيادا كٶبەيٸپ كەتتٸ دەپ ايتۋعا بولمايتىن شىعار. ولاردىڭ سانى بٸرشاما ازايدى. بٸراق وليمپيادا ەلٸ بار. كەيبٸر وليمپيادا اقىلى بولعاننان كەيٸن ونىڭ مازمۇنى دا جوعالىپ كەتتٸ. ولار تاپسىرمانى بەرەدٸ. كەيٸن ونى بالا الىپ, ٷيٸنە بارادى. تۋعان-تۋىستارىمەن بٸرگە تاپسىرمانى ورىنداپ, جاۋابىن بەرەدٸ. ول جاۋاپ بويىنشا 1 ەمەس, 30 ادام بٸرٸنشٸ ورىن, 30 ادام ەكٸنشٸ ورىندى الادى. سوندا مۇنداي وليمپيادانىڭ قانداي مەنٸ بار?", - دەيدٸ اسحات ايماعامبەتوۆ حالىق الدىندا ەسەپ بەرۋ كەزدەسۋٸندە.
ونىڭ پٸكٸرٸنشە, وسىنداي ەرەكەتتٸڭ سالدارىنان پەندٸك وليمپيادانىڭ بەدەلٸ تٶمەن تٷسٸپ كەتكەن.
"بٷگٸندە "ٶتە جاقسى وليمپيادا" دەگەن ۇعىمنىڭ ٶزٸ اقىلى وليمپيادانىڭ كەسٸرٸنەن بەدەلٸ تٶمەن تٷستٸ. سوندىقتان بٸز مۇنى ٶزگەرتۋ بويىنشا شارانى قولدادىق. بٸز مەكتەپتەردە اقىلى وليمپيادا ٶتكٸزبەۋ كەرەك دەگەن تالاپ قويدىق. ەگەر وقۋشى ٷيدە بولعاندا, ساباقتان بوس ۋاقىتتا اقىلى وليمپياداعا قاتىسامىن دەسە وعان ەشكٸم شەكتەۋ قويا المايدى. ٶيتكەنٸ, بۇل - ادامنىڭ جەكە تاڭداۋى", - دەدٸ مينيستر.
اسحات ايماعامبەتوۆ بٸلٸم وردالارىندا اقىلى وليمپيادا ۇيىمداستىرىلماۋى كەرەگٸن اتاپ ٶتتٸ.
"بٸراق مەكتەپ ۇيىمداستىرىپ, ولار اقىلى وليمپياداعا قاتىس دەپ مەجبٷرلەسە, بۇل باسقا مەسەلە بولىپ سانالادى. قازٸر بٸز اقىسىز وليمپيادالاردىڭ سانىن كٶبەيتٸپ جاتىرمىز. ونداي وليمپيادالار كٶپ بولۋى كەرەك. بۇل - بالالار ٷشٸن ماڭىزدى. بٸرٸنشٸدەن, ول اشىق, ادال بولۋى كەرەك. ەكٸنشٸدەن, بالانىڭ بٸلٸمٸن انىقتايتىن وليمپيادا بولۋى كەرەك", - دەيدٸ ول.
مينيستر بۇل مەسەلە باقىلاۋىندا ەكەنٸن جەتكٸزدٸ.
"10 بٸرٸنشٸ ورىن, 45 ەكٸنشٸ ورىن دەگەن مەسەلەنٸ بٸلٸمنٸڭ ەبدەن قۇنسىزدانعانىنا تەڭەۋگە بولادى. سوندىقتان بٸز بۇل مەسەلە بويىنشا تيٸستٸ شەشٸمدٸ قابىلداپ, ونى بٸرنەشە رەت ايتتىق. سوندىقتان بۇل مەسەلە شەشٸلٸپ جاتىر. بٸراز ٶزگەرٸستەر بار. الداعى ۋاقىتتا بۇل مەسەلەنٸ شەشەمٸز دەگەن ويدامىن", - دەپ تٷيٸندەدٸ سٶزٸن اسحات ايماعامبەتوۆ.
