23-30 قىركٷيەك ارالىعىندا مەكتەپتەردە 2-4-سىنىپ وقۋشىلارى ٷشٸن العاشقى ارالىق باعالاۋ كەزەڭٸ ٶتەدٸ, دەپ حابارلايدى ult.kz.
وقۋ-اعارتۋ مينيسترلٸگٸنٸڭ حابارلاۋىنشا, 2026-2027 وقۋ جىلىندا 2-4-سىنىپتاردا فورماتيۆتٸك جەنە ارالىق باعالاۋ قاتار جٷرگٸزٸلەدٸ. باعالاۋدىڭ بۇل ەكٸ تٷرٸ بٸر-بٸرٸن تولىقتىرادى جەنە وقۋ پروتسەسٸ بارىسىندا قاتار قولدانىلادى.
ارالىق باعالاۋ وقۋ باعدارلاماسىنىڭ اياقتالعان بٶلٸمدەرٸ بويىنشا جٷرگٸزٸلەدٸ. باعالاۋ فورماتى پەنگە بايلانىستى:
- قازاق تٸلٸ نەمەسە ورىس تٸلٸ - ديكتانت جەنە وقۋ ساۋاتتىلىعىنا ارنالعان تاپسىرمالار. وقۋشىنىڭ مەتٸندٸ ساۋاتتى جازۋى جەنە ونىڭ مازمۇنىن تٷسٸنۋٸ باعالانادى;
- ەدەبيەتتٸك وقۋ - شىعارما نەمەسە مازمۇنداما جەنە وقۋ ساۋاتتىلىعىنا ارنالعان تاپسىرمالار. مەتٸندٸ تٷسٸنۋ, نەگٸزگٸ ويدى انىقتاۋ جەنە ٶز ويىن جٷيەلٸ جەتكٸزۋ ەسكەرٸلەدٸ;
- ماتەماتيكا - باقىلاۋ جۇمىسى. ەسەپتەۋ داعدىلارىمەن قاتار, ەسەپتٸڭ شارتىن تٷسٸنۋ, شەشۋ جولىن دۇرىس تاڭداۋ جەنە جاۋابىن نەگٸزدەي الۋ باعالانادى.
بٸر ارالىق باعالاۋ جۇمىسىنىڭ ۇزاقتىعى - 40 مينۋت. ەڭ جوعارى بالل: 2-سىنىپتا - 12, 3-سىنىپتا - 14, 4-سىنىپتا - 16 بالل.
فورماتيۆتٸك باعالاۋ توقسان بويى جالعاسادى. پەداگوگ ەر وقۋشىنى ٶتكٸزٸلگەن ساباقتاردىڭ كەمٸندە 30 پايىزىندا باعالاپ, توقسانعا جوسپارلانعان وقۋ ماقساتتارىنىڭ كەمٸندە 50 پايىزىن قامتۋى تيٸس. نەتيجە 1-10 بالدىق شەكٸل بويىنشا باعالانادى.
كالليگرافييا ارنايى باعالاۋ ماقساتى بولماسا, وقۋشىنىڭ جازۋ ەرەكشەلٸگٸ بالدى تٶمەندەتۋگە نەگٸز بولمايدى.
1-سىنىپتا بالدىق باعالاۋ جٷرگٸزٸلمەيدٸ.
باعالاۋدىڭ نەگٸزگٸ ماقساتى - وقۋشىعا تەك باعا قويۋ ەمەس, ونىڭ وقۋ ماتەريالىن قانشالىقتى مەڭگەرگەنٸن انىقتاۋ, ٸلگەرٸلەۋٸن باقىلاۋ جەنە ەرٸ قاراي دامۋىنا باعىت بەرۋ. باعالاۋ بالانىڭ العا جىلجۋىنا كٶمەكتەسەتٸن كەرٸ بايلانىس قۇرالى بولۋى تيٸس.
