مەكتەپ وقۋشىلارىن كوروناۆيرۋسقا قارسى ۆاكتسيناتسييالاۋ جٷرگٸزٸلٸپ جاتقان جوق. بۇل تۋرالى قر دسم قوعامدىق دەنساۋلىق ساقتاۋ ۇلتتىق ورتالىعىنىڭ باسقارما تٶراعاسىنىڭ ورىنباسارى ايناگٷل قۋاتباەۆا ايتتى, دەپ حابارلايدى قازاقپارات.
بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىنا قاتىسقان دەنساۋلىق ساقتاۋ مينيسترلٸگٸنٸڭ ٶكٸلدەرٸنە: «ەلەۋمەتتٸك جەلٸدە بالالاردى مەكتەپكە ۆاكتسينا سالۋ ٷشٸن شاقىرىپ جاتىر. سوندىقتان بالالارىڭىزدى مەكتەپكە جٸبەرمەڭٸزدەر» دەگەن ماعىنادا حابارلاما جٷرگەندٸگٸ ايتىلىپ, مۇنىڭ قانشالىقتى راس ەكەندٸگٸ سۇرالعان بولاتىن.
«ەلەۋمەتتٸك جەلٸدە مۇنداي اقپارات تاراپ وتىر. حالىق اراسىندا ەرتٷرلٸ سٶزگە يلانىپ, بٸزگە حابارلاسىپ جاتقان اتا-انالار دا بار. ەڭ الدىمەن بٸرٸكتٸرٸلگەن, بٸر قۇتىدا, بٸر شپريتستە كوروناۆيرۋس جۇقپاسىنا جەنە تۇماۋعا قارسى ۆاكتسينانى ەشكٸم ويلاپ تاپقان جوق. ونداي ۆاكتسينا مٷلدەم ٶندٸرٸلمەگەن. مۇنداي ۆاكتسينا ويلاپ تابىلاتىن بولسا, وندا بۇل ەرينە مەديتسينا سالاسىنداعى سەنساتسييا بولار ەدٸ», - دەدٸ ول.
ونىڭ اتاپ ٶتۋٸنشە, ەلٸمٸزدە 18 جاسقا دەيٸنگٸ بالالارعا ۆاكتسيناتسييا ولاردىڭ اتا-اناسىنىڭ كەلٸسٸمەن عانا سالىنادى.
«وسىعان وراي, مەكتەپ اياسىندا قانداي دا بٸر ۆاكتسينا سالىناتىن بولسا, وندا اتا-انالار جينالىسى ٶتكٸزٸلەدٸ. بٷگٸندە مەكتەپتەرگە ۆاكتسيناتسييا جٷرگٸزٸلٸپ جاتقان جوق», - دەدٸ ايناگٷل قۋاتباەۆا.
