مەكسيكانىڭ شىعىسىندا 21 ادامنان تۇراتىن تۋريستەر توبىن تاۋ ٶزەنٸنٸڭ اعىسى الىپ كەتتٸ, دەپ حابارلايدى Milenio گازەتٸ.
وقيعا ۆەراكرۋس شتاتىنداعى كوستا-دە-ورو ايماعىندا ورىن العان. تٶرت ادام قازا تاۋىپ, ٷشەۋٸ حابار-وشارسىز كەتتٸ.
بەس تۋريست مەديتسينالىق كٶمەككە جٷگٸندٸ, ولاردىڭ ٶمٸرٸنە قاۋٸپ جوق. توپتىڭ بارلىق مٷشەسٸ مەكسيكا ازاماتتارى بولعان.
الدىن الا مەلٸمەتتەر بويىنشا, بۇل ايماققا نٶسەر جاڭبىر جاۋىپ, ٶزەندەگٸ سۋ دەڭگەيٸ كٷرت كٶتەرٸلگەن. سونىڭ سالدارىنان قايعىلى جاعداي ورىن العان. حابار-وشارسىز كەتكەندەردٸ ٸزدەۋگە بٸرنەشە قۇتقارۋشىلار بريگاداسى تارتىلدى.
ٶڭٸرلٸك پروكۋراتۋرا ادام ٶلٸمٸنە قاتىستى تەرگەۋدٸ باستادى.
