Meksikanyń shyǵysynda 21 adamnan turatyn týrister tobyn taý ózeniniń aǵysy alyp ketti, dep habarlaidy Milenio gazeti.
Oqiǵa Verakrýs shtatyndaǵy Kosta-de-Oro aimaǵynda oryn alǵan. Tórt adam qaza taýyp, úsheýi habar-osharsyz ketti.
Bes týrist meditsinalyq kómekke júgindi, olardyń ómirine qaýip joq. Toptyń barlyq múshesi Meksika azamattary bolǵan.
Aldyn ala málimetter boiynsha, bul aimaqqa nóser jańbyr jaýyp, ózendegi sý deńgeii kúrt kóterilgen. Sonyń saldarynan qaiǵyly jaǵdai oryn alǵan. Habar-osharsyz ketkenderdi izdeýge birneshe qutqarýshylar brigadasy tartyldy.
Óńirlik prokýratýra adam ólimine qatysty tergeýdi bastady.
