مەجٸلٸسٸ تٶراعاسىنىڭ ورىنباسارى بالايىم كەسەباەۆا مٷمكٸندٸگٸ شەكتەۋلٸ جاندار قانداي پروبلەمالارعا تاپ بولىپ وتىرعانىن ايتتى, دەپ حابارلايدى قازاقپارات.
«كەيٸنگە قالدىرماي شەشۋدٸ تالاپ ەتەتٸن بٸرقاتار مەسەلە بار, ٶيتكەنٸ ولار حالىقتىڭ ەڭ قورعالماعان ەرٸ وسال توپتارىنا قاتىستى – بۇل مٷمكٸندٸگٸ شەكتەۋلٸ ادامدار, ونىڭ ٸشٸندە بالالار. مٷمكٸندٸگٸ شەكتەۋلٸ ازاماتتارىمىزدى ەلەۋمەتتٸك قورعاۋ كونستيتۋتسييامەن, «قازاقستان رەسپۋبليكاسىندا مٷگەدەكتەردٸڭ ەلەۋمەتتٸك قورعالۋى تۋرالى» زاڭمەن رەتتەلەدٸ. سونىمەن قاتار, ەلەۋمەتتٸك قورعاۋعا, ونىڭ ٸشٸندە وڭالتۋعا, قوعامعا كٸرٸكتٸرۋگە, كەز كەلگەن قىزمەتتٸ, ونىڭ ٸشٸندە ەڭبەك قىزمەتٸن ەركٸن تاڭداۋعا, كەسٸپتٸك دايارلاۋعا جەنە قايتا دايارلاۋعا, ەڭبەك قابٸلەتٸن قالپىنا كەلتٸرۋگە ەرٸ جۇمىسقا ورنالاسۋعا, قازاقستان رەسپۋبليكاسىنىڭ تۇرعىن ٷي زاڭناماسىنا سەيكەس تۇرعىنجايعا قۇقىقتار جەنە بۇدان دا باسقا دا قۇقىقتار بەلگٸلەنەتٸن ٶزگە دە زاڭدارمەن رەتتەلەدٸ. الايدا, ٸس جٷزٸندە مٷمكٸندٸگٸ شەكتەۋلٸ جاندار ٶز قۇقىقتارىن جٷزەگە اسىرۋ بارىسىندا بٸرقاتار پروبلەمالارعا تاپ بولادى», - دەدٸ دەپۋتات پارلامەنت مەجٸلٸسٸندە ەلەۋمەتتٸك قورعاۋ مەسەلەلەرٸ تۋرالى زاڭ جوباسىنىڭ تانىستىرىلىمىنا ارنالعان جيىندا.
ونىڭ ايتۋىنشا, مٷمكٸندٸگٸ شەكتەۋلٸ بالالاردىڭ باسپانا الۋ مەسەلەسٸ بار. ەگەر مٷگەدەك بالا 18 جاسقا تولعانعا دەيٸن تۇرعىن ٷي الىنباسا, وتباسى كەزەككە قايتا تۇرۋعا مەجبٷر بولادى, وسىلايشا كٷتۋ مەرزٸمٸ كٶبەيەدٸ.
«مٷگەدەك ادامداردىڭ جۇمىسقا ورنالاسۋى دا قيىن ٸس. «حالىقتى جۇمىسپەن قامتۋ تۋرالى» زاڭىنا سەيكەس, جەرگٸلٸكتٸ اتقارۋشى ورگاندار اۋىر جۇمىستاردى, ەڭبەك جاعدايلارى زيياندى جەنە قاۋٸپتٸ جۇمىستارداعى جۇمىس ورىندارىن ەسەپتەمەگەندە, جۇمىس ٸستەيتٸندەردٸڭ جالپى سانىنىڭ 2-دەن 4 پايىزعا دەيٸنگٸ مٶلشەرٸندە مٷگەدەكتەر ٷشٸن جۇمىس ورىندارىنا كۆوتا بەلگٸلەيدٸ. قازٸرگٸ ۋاقىتتا, ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ اقپاراتىنا سەيكەس, كۆوتا 4% قۇرايدى جەنە 70 مىڭ ادام ٷشٸن بەلگٸلەنگەن. الايدا, كۆوتا اياسىندا بارلىعى 15 مىڭ مٷمكٸندٸگٸ شەكتەۋلٸ جان نەمەسە پايىزى جۇمىسقا ورنالاستىرىلدى», - دەدٸ ب. كەسەباەۆا.
ونىڭ سٶزٸنە قاراعاندا, مٷمكٸندٸگٸ شەكتەۋلٸ ادامداردى ٶزدەرٸنە لايىقتى جۇمىسقا ورنالاستىرۋ ٷشٸن جۇمىس بەرۋشٸلەردٸڭ كٶبٸرەك نازار اۋدارۋىن مٸندەتتەيتٸن نەمەسە ىنتالاندىراتىن قوسىمشا شارالار قاجەت.
«سونىمەن قاتار, وڭالتۋ, قوعامعا كٸرٸكتٸرۋ, ەلەۋمەتتٸك قولداۋ شارالارى بويىنشا كٶرسەتٸلەتٸن قىزمەتتەردٸڭ جەتٸلدٸرٸلمەۋٸنە بايلانىستى پروبلەمالار دا بار. بۇدان باسقا, 1-توپتاعى مٷگەدەكتٸك بەرٸلگەن اۋىر ناۋقاس ادامداردى كٷتٸپ-باعۋدى جٷزەگە اسىراتىن ادامدار ەلەۋمەتتٸك قولداۋ شارالارىمەن جەتكٸلٸكتٸ قامتىلماعان. بٷگٸن قارالىپ وتىرعان زاڭ جوباسىندا وسى مەسەلەلەردٸڭ بەلگٸلٸ بٸر شەشٸمدەرٸ ۇسىنىلادى, سونىڭ نەتيجەسٸندە مٷگەدەك بالالار ٷشٸن, مٷگەدەك بالالارى بار وتباسىلار مەن اسىراۋشىسىنان ايىرىلعان وتباسىلار ٷشٸن جەردەماقى مٶلشەرٸن ۇلعايتۋ, بٸرٸنشٸ توپتاعى مٷگەدەكتەرگە كٷتٸم جاسايتىن ادامدار ٷشٸن جاڭا جەردەماقى ەنگٸزۋ ەسكەرٸلٸپ وتىر», - دەدٸ دەپۋتات.
