مەجٸلٸستٸڭ جالپى وتىرىسىندا دەپۋتات بەرٸك دٷيسەنبينوۆ كٷرٸش سالاسىمەن اينالىساتىن ديقانداردىڭ مەسەلەلەرٸن كٶتەردٸ, دەپ حابارلايدى قازاقپارات.
«وسى جىلدىڭ ناۋرىز ايىندا «اق جول» فراكتسيياسىنىڭ دەپۋتاتتارى قازاقستان رەسپۋبليكاسىنىڭ ەكولوگييا, گەولوگييا جەنە تابيعي رەسۋرستار مينيسترٸنٸڭ اتىنا سۋ تاپشىلىعىنا بايلانىستى ەلٸمٸزدەگٸ كٷرٸش القاپتارىن 29 مىڭ گەكتارعا ازايتۋ تۋرالى مەلٸمدەمەسٸنە تٷسٸندٸرمە بەرۋٸن سۇراپ ساۋال جولداعان بولاتىن. مينيستردٸڭ بەرگەن ماردىمسىز جاۋابىنا جەنە جاقىندا اقجول پارتيياسىنا كەلٸپ تٷسكەن الماتى وبلىسىنىڭ بالقاش, ەسكەلدٸ اۋدانىنىڭ كٷرٸششٸ ديقاندارىنىڭ حاتتارىنا وراي بٷگٸن قايتا ساۋال جولداۋعا مەجبٷرمٸز. بٸر عاسىرعا جۋىق تاريحى بار, اعا بۋىننىڭ ماڭداي تەرٸمەن سۋارىلعان, اشتىق پەن سوعىس جىلدارىندا ەلگە تالعاجاۋ بولعان, كەشەگٸ داعدارىس ۋاقىتىندا اۋىلداردىڭ تٸرەگٸ بولعان «اق التىنىمىز», بٷگٸندە قازاق ەلٸنٸڭ «اق مارجان» برەندٸنە اينالعان. كٷرٸش ەگەتٸن ٷش وبلىستى قوسقاندا بٸر ميلليونعا جۋىق ازاماتقا جۇمىس بەرٸپ وتىرعان كٷرٸش سالاسىنىڭ ەشقانداي عىلىمي زەرتتەۋسٸز, بٸر پاراققا سيياتىن بۇيرىقپەن سٸزدەر قالاي ٷشتەن بٸر بٶلٸگٸن قىسقارتپاقسىزدار?! كٷرٸش القابى, جوعارىدا ايتىلعانداي, قىسقارسا, ورتا ەسەپپەن ٷش جٷز مىڭعا تارتا ادام جۇمىسسىز قالماقشى, ولاردىڭ جانۇياسىن قالاي اسىرايسىزدار?! ەلدە, ولار دا ەلەۋمەتتٸك كٶمەكتٸڭ كەزەگٸنە تۇرا ما ?!», - دەدٸ ب. دٷيسەنبينوۆ قر پرەمەر-مينيسترٸنٸڭ ورىنباسارى رومان سكلياردىڭ اتىنا جولداعان ساۋالىندا.
ونىڭ ايتۋىنشا, ازىق-تٷلٸكتٸڭ قىمباتتاۋى, پاندەمييا, ەكونوميكالىق داعدارىستار كەزٸندە ەلٸمٸزدەگٸ ەربٸر كەسٸپورىننىڭ, جۇمىس ورنىنىڭ, ەسٸرەسە, اۋىلداعى كٷنكٶرٸستٸڭ ماڭىزى ٶتە زور. تٸپتەن جاڭا جۇمىس ورنىن اشۋ ٷشٸن مەملەكەتٸمٸز ميللياردتاعان قارجى جۇمساۋدا.
«ولاي بولسا, عاسىرلىق تاريحى بار, ەلەۋمەتتٸك, ەكونوميكالىق قۇنى باعا جەتپەس سالا تۋرالى تەرەڭ ويلانىپ, ەلمەن, ماماندارمەن اقىلداسىپ بارىپ, سالماقتى ەرٸ اشىق شەشٸم نەگە قابىلدامايسىزدار?! الماتى وبلىسىنىڭ كٷرٸششٸلەرٸنەن كەلگەن حاتقا سٷيەنسەك, ولار كٷرٸشتٸ تەك تابىس تابۋ ٷشٸن عانا ەمەس, تۋعان جەرلەرٸنٸڭ شٶلگە, تۇزعا اينالماۋى ٷشٸن ەكولوگييالىق ماقساتتا ەگٸپ وتىر. ەلٸمٸزدٸڭ ەكولوگيياسىنا جاۋاپتى مەملەكەتتٸك ورگان بۇل مەسەلەمەن تانىس دەپ ويلايمىز. بيىل قاتتى قۋاڭشىلىق بولىپ, سىر ەلٸندە, تٷركٸستان مەن الماتى وبلىسىنىڭ شٶلەيت اۋداندارىندا مالعا جەم-شٶپ بولىپ وتىرعان دا كٷرٸشتٸڭ ارقاسىندا سۋ ٸشكەن كٷرمەك شٶپ پەن كٷرٸشتٸڭ سابانى, ياعني, كٷرٸش ەگٸلمەسە, مال دا ازىقسىز قالاتىن ەدٸ. بٸزدٸڭ قۇزىرەتتٸ مەملەكەتتٸك ورگاندار سۋدىڭ تاپشىلىعىن تەك قانا ەگٸستٸك القاپتى قىسقارتۋدان عانا ەمەس, ٸلە مەن دارييانىڭ, جايىق پەن ەرتٸستٸڭ باسىندا وتىرعان كٶرشٸلەرٸمٸزدەن جەنە سۋدى ٷنەمدٸ پايدالانۋدىڭ زاماناۋي تەحنولوگيسىن قولدانۋدان ٸزدەۋ كەرەك», - دەدٸ دەپۋتات.
جوعارىدا باياندالعانداردى ەسكەرە وتىرىپ, «اقجول» فراكتسيياسى تيٸستٸ ساۋالداردى جولدادى.
«بولاشاقتا ەلٸمٸزدٸڭ ەكونوميكاسىندا كٷرٸش سالاسى بولا ما, جوق پا? ەگەر كٷرٸش ٶندٸرٸسٸ ساقتالىپ, سۋ كانالدارىن, ينجەنەرلٸك درەناجدى جٷيەنٸ قالپىنا كەلتٸرۋ جۇمىستارى باستالسا, وسى جٷيەنٸ بولاشاقتا ٶزدەرٸ پايدالاناتىن ديقانداردىڭ ٶزٸن جۇمىسقا تارتۋدى جوسپارلاپ وتىرسىزدار ما? ال ەندٸ كٷرٸش القاپتارى قىسقارتىلسا, جۇمىسسىز قالعان جوعارعى دەڭگەيلٸ مامانداردى باسقا سالاعا, باسقا كەسٸپپەن اينالىسۋعا, مىسالى, مال شارۋاشىلىعىنا بەيٸمدەۋ قاراستىرىلعان با? ولاي بولسا, قىسقى مەرزٸمدٸ پايدالانىپ, ولاردى قايتا وقىتىپ, كٶكتەمگە قاراي جاڭا داقىل تۇقىمىمەن نەمەسە انالىق مال باسىمەن قامتۋ مٷمكٸندٸگٸ بولا ما? ەگەر جوعارىدا ايتىلعان مەسەلەلەر شەشٸلمەسە, ساراپشىلاردىڭ پايىمداۋىنشا, ٷش جٷز مىڭعا جۋىق ازاماتتارىمىز جۇمىسسىز قالۋ قاۋپٸ بار. بۇل ازاماتتارىمىزدىڭ كٶپشٸلٸگٸ قالاعا كەلەرٸ سٶزسٸز, اۋىل وتاسىلارى كٶپبالالى, ولاردى مەكتەپپەن, باسپانامەن, جۇمىسپەن قامتۋعا دايىنسىزدار ما?», - دەدٸ بەرٸك دٷيسەنبينوۆ.
