مەجٸلٸستە «قر-نىڭ كەيبٸر زاڭنامالىق اكتٸلەرٸنە اۋىلدى ەلدٸ مەكەندەردە ينتەرنەتتٸڭ قولجەتٸمدٸلٸگٸن قامتاماسىز ەتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
«اۋىلدى جەرلەردٸ ساپالى ينتەرنەتپەن قامتاماسىز ەتۋ – بٷگٸنگٸ كٷننٸڭ باستى تالابى. سەبەبٸ مەملەكەت باسشىسى قاسىم-جومارت كەمەلۇلى توقاەۆ ۇلتتىق قوعامدىق سەنٸم كەڭەسٸنٸڭ بٸلٸم جەنە دەنساۋلىق ساقتاۋ سالالارىن زامانعا ساي رەفورمالاۋ تۋرالى ايتقان بولاتىن. وسى جولدا ەرينە, تسيفرلىق جەنە ەلەكتروندى قىزمەتتەردٸڭ قاجەتتٸلٸگٸ ٶتە ماڭىزدى. سول ٷشٸن وسى زاڭ جوباسىنا ەنگٸزٸلگەن ٶزگەرٸستەر اۋىل تۇرعىندارىنىڭ ساپالى جەنە قولجەتٸمدٸ ينتەرنەتپەن قامتاماسىز ەتۋگە جاڭا سەرپٸن بەرەرٸ سٶزسٸز», - دەدٸ مەجٸلٸس تٶراعاسى نۇرلان نىعماتۋلين.
ونىڭ ايتۋىنشا بۇل زاڭ اۋىلدى جەرلەردە ينتەرنەت جەلٸلەرٸن تارتۋدى جەدەلدەتۋگە مٷمكٸندٸك بەرەتٸنٸن اتاپ ٶتتٸ.
«وسىنىڭ بەرٸ ەلبەتتە اۋىل حالقىن زامانعا ساي تەلەكوممۋنيكاتسييالىق جەنە بايلانىس قىزمەتٸمەن قامتاماسىز ەتۋگە جول اشادى. مەملەكەت باسشىسىنىڭ تاپسىرماسىن ورىنداۋ ٷشٸن وسى زاڭ جوباسى دايارلانىپ وتىر. زاڭدى قابىلداۋ نەتيجەسٸندە ازاماتتار ەلەكتروندى مەملەكەتتٸك قىزمەتتٸ الۋمەن قاتار, ونلاين-وقۋ, تسيفرلىق دەنساۋلىق ساقتاۋ قىزمەتتەرٸنٸڭ مٷمكٸندٸكتەرٸن بەلسەندٸ تٷردە قولدانا الادى. اۋىلداردىڭ اراسى الشاق جاتقانىن بٸلەسٸزدەر», - دەدٸ ول.
ايتا كەتسەك, زاڭ جوباسى اۋىلدىق ەلدٸ مەكەندەردٸ ينتەرنەتپەن قامتاماسىز ەتۋ ماقساتىندا ەزٸرلەنگەن. ول قازاقستان رەسپۋبليكاسىنىڭ 2 كودەكسٸ مەن 2 زاڭىنا ٶزگەرٸستەر مەن تولىقتىرۋلار ەنگٸزۋدٸ كٶزدەيدٸ. زاڭ جوباسى بايلانىس نىساندارىن سالۋ كەزٸندە جەر ۋچاسكەلەرٸن رەسٸمدەۋ بويىنشا رۇقسات بەرۋ رەسٸمدەرٸن وڭايلاتۋعا, بايلانىس وپەراتورلارىنىڭ بارلىعىنا تەلەكوممۋنيكاتسييالىق ينفراقۇرىلىمعا تەڭ قول جەتكٸزۋ مٷمكٸندٸگٸن بەرۋگە باعىتتالعان. جۇمىس توبىنا دەپۋتاتتار مەن كوميتەتتەردٸڭ 28 ۇسىنىسى كەلٸپ تٷسٸپ, ولار مٷددەلٸ مينيسترلٸكتەر, ۆەدومستۆولار جەنە قوعامدىق ۇيىمدار ٶكٸلدەرٸنٸڭ قاتىسۋىمەن جۇمىس توبىنىڭ ەكٸ وتىرىسىندا, كوميتەتتٸڭ كەڭەيتٸلگەن وتىرىسىندا تالقىلانعان.
